Bakı,
AzerVoice
Türkiyənin Daxili İşlər naziri Ali Yerlikaya Edirnenin Meriç
rayonunda keçirilən "Gürz-45" əməliyyatı çərçivəsində biri boz
kateqoriyada olmaqla, iki terrorçunun saxlanıldığını açıqlayıb.
AzerVoice xəbər verir ki, nazir sosial media hesabında paylaşım edərək, PKK/KCK terror təşkilatının üzvləri Bülent Taşer və Leyla Hüşenqin təhlükəsizlik qüvvələri tərəfindən saxlanıldığını bildirib.
Yerlikaya qeyd edib ki, boz kateqoriyada yer alan Bülent Taşerin 2008-ci ildə Bitlis-Sehi, Batman-Sason və Kozluk kəndlərində terror fəaliyyətlərində iştirak etdiyi, Bitlis-Mərkəzdə uzaqdan idarə olunan PUA hücumunun icraçılarından biri olduğu,18 may 2012-ci ildə Bitlis/Mərkəz Yukarıdölek kəndi ərazisində olduğu və 23 iyun 2012-ci ildə Bitlis-Tatvan yolunda Rahva Trafik Nəzarət Məntəqəsinə raket hücumu təşkil etdiyi müəyyən edilib.
Nazir əməliyyatda iştirak edən təhlükəsizlik qüvvələrini təbrik edərək, "Son terrorçu zərərsizləşdirilənə qədər mübarizəmiz davam edəcək!" mesajını verib.