Türkiyənin enerji və Təbii Sərvətlər naziri Alparslan Bayraktar, 2026-cı ildə Akkuyu Nüvə Elektrik Stansiyasından ilk elektrik enerjisinin istehsal ediləcəyini və bunun ilin ən çox danışılacaq mövzularından biri olacağını bildirib.Bayraktar Filyosdakı səfəri zamanı nazirliyin bağlı qurumları və idarələri ilə video konfrans vasitəsilə əlaqə saxlayaraq sahədəki qruplara yeni ilin ilk tapşırıqlarını verdi.

Türkmənistan Prezidenti Sərdar Berdiməhəmmədov qeyd edib ki, Aşqabad MDB-nin potensialının maksimum səviyyədə reallaşdırılmasına töhfə verməyi planlaşdırır. Onun sözlərinə görə, Türkmənistan bu sədrliyi bütün üzv dövlətlər tərəfindən göstərilən hörmət və etimadın göstəricisi, eləcə də ölkənin MDB-nin inkişafına verdiyi töhfənin tanınması kimi qiymətləndirir.

Fələstindəki qətliama “dayan” demək üçün Yeni ilin ilk günündə Qalata körpüsündə təşkil olunan aksiyada təxminən 520 min nəfər iştirak edib. Türkiyə Gənclik Vəqfi (TÜGVA) öncülüyündə, İnsanlıq İttifaqı və Milli İradə Platforması çətiri altında “Sinmirik, susmuruq, Fələstini unutmuruq” şüarı ilə keçirilən aksiya üçün Ayasofya-i Kəbir Cami-i Şərifi, Sultanahmet məscidi, Eminönündəki Yeni Məscid, eləcə də Fatih və Süleymaniyə məscidlərinin qarşısında toplaşan insanlar şüarlar və təkbirlər səsləndirərək Qalata körpüsündə bir araya gəliblər.

“Əqsa tufanı” əməliyyatından sonra Qəzzada baş verən müharibə və onun regional nəticələri Türkiyə ilə İsraili qarşı-qarşıya gətirdi. Bu, xüsusilə Suriyada daha çox hiss olunan, birbaşa yox, dolayısı ilə gedən rəqabət və gərginlik mühitidir. Son dövrlərdə tərəflərin addımları isə göstərir ki, onlar tədricən rəqib – hətta müəyyən səviyyədə üz-üzə dura biləcək – bloklar və ittifaqlar formalaşdırmağa başlayırlar.

Türkiyə Prezidenti Rəcəb Tayyib Ərdoğan dekabrın 30-da İstanbulda Somali Prezidenti Həsən Şeyx Mahmud ilə görüşüb və tərəflər arasında keçirilən danışıqlardan sonra birgə mətbuat konfransı təşkil olunub. Görüş Türkiyə Prezidentinin Dolmabağça iqamətgahında baş tutub. Əvvəlcə dövlət başçıları arasında təkbətək görüş keçirilib, daha sonra nümayəndə heyətləri səviyyəsində danışıqlar aparılıb.

Türkiyə Prezidenti Rəcəb Tayyib Ərdoğan, dəvətini qəbul edərək Türkiyəyə gələn Somaliya Prezidenti Həsən Şeyx Mahmudu qəbul edib. Prezident Ərdoğan, Somaliya Prezidentini, Prezidentlik Dolmabahçe Ofisində rəsmi mərasimlə qarşılayıb. Mərasimdən sonra Prezident Ərdoğan ilə Mahmud arasında ikitərəfli görüş baş tutub.

Türkiyənin Mədəniyyət və Turizm Naziri Mehmet Nuri Ersoy bildirib ki, 2025-ci ildə xaricə qanunsuz çıxarılan 180 mədəniyyət nümunəsi Türkiyəyə qaytarılıb. 2002–2025-ci illər arasında isə ümumilikdə qaytarılan mədəniyyət nümunələrinin sayı 13 448-ə çatıb. Nazir qeyd edib ki, Mədəniyyət Varlıqları və Muzeylər Baş İdarəsinin Qanunsuzluqla Mübarizə Şöbəsi vasitəsilə mədəni irsin qorunmasına dair fəaliyyətlər 2025-ci ildə də konkret nəticələrlə davam etdirilib. Xaricə çıxarılan mədəni nümunələr elmi, hüquqi və diplomatik yolla tək-tək müəyyən edilərək ölkəyə gətirilir, muzeylər, hərrac evləri və kolleksiyalar diqqətlə yoxlanılır, beynəlxalq əməkdaşlıqlar və hüquqi proseslər isə ardıcıl aparılır.

2025-ci ildə Türkiyədə 53 min 262 zəlzələ baş verib və bu, ölkədə zəlzələlərin ən çox qeydə alındığı ikinci il olub. İlin ən böyük zəlzələsi 23 aprel Silivridə 6,2 gücündə olub. Sındırgıda isə avqust və oktyabr aylarında 6,1 gücündə iki böyük zəlzələ qeydə alınıb. Burada 21 minə yaxın zəlzələ baş verib və əhali gündə orta hesabla 146 zəlzələ ilə qarşılaşıb. Konya, Kulu və Ankara, Etimesgut bölgələrində də gücü 3,6-5 olan zəlzələlər baş verib. Ümumilikdə 2025-ci ildə zəlzələlər nəticəsində 3 nəfər ölüb, 594 nəfər yaralanıb.

Türkiyədə noyabr ayında işsizlik əvvəlki aya nisbətən 0,1 faiz artaraq 8,6 faiz səviyyəsində qeydə alınıb. Bu barədə Türkiyə Statistika Qurumu (TÜİK) məlumat yayıb. Məlumata görə, 15 yaş və yuxarı işsizlərin sayı 3 milyon 98 min nəfər olub və işsizlik səviyyəsi 8,6 faiz təşkil edib, bu əvvəlki aya nisbətən 0,1 faiz artım deməkdir. İşsizlik kişilər arasında 7 faiz, qadınlar arasında 11,8 faiz səviyyəsində qeydə alınıb.

İstanbul və Ankarada İŞİD-ə qarşı əməliyyatlar keçirilib. Əməliyyatlar zamanı ümumilikdə 127 şübhəli şəxs saxlanılıb. Saxlanılanların Yalovada törədilən hücumla əlaqəli olduqları müəyyən edilib. Təhlükəsizlik qüvvələrinin İŞİD-ə qarşı əməliyyatları dayanmadan davam edir. Yalovada dünən baş verən hücumda 3 polis əməkdaşı şəhid olmuşdu, bu səbəbdən bu gün yeni reydlər həyata keçirilib. İstanbulda aparılan istintaqlarda 110 şübhəli saxlanılıb. İstanbul Baş Prokurorluğundan əməliyyatla bağlı açıqlama verilib.

Ankarada terror təşkilatı İŞİD-ə qarşı keçirilən əməliyyat çərçivəsində 17 şübhəli şəxs saxlanılıb. Baş Prokurorluğun Terror Cinayətləri üzrə İstintaq Bürosu tərəfindən aparılan araşdırmalar zamanı əldə olunan rəqəmsal materialların təhlili nəticəsində şübhəlilərin terror təşkilatının üzvləri olduqlarına dair sübutlar aşkarlanıb.

Türkiyə ilə İspaniya arasında müdafiə sənayesi sahəsində mühüm ixrac müqaviləsi imzalanıb. Türkiyənin ilk milli reaktiv təlim təyyarəsi HÜRJET üçün İspaniya ilə 30 ədədlik, 2,6 milyard avro dəyərində müqavilə bağlanıb. Bunu Türkiyə Respublikasının Müdafiə Sənayesi rəhbəri Haluk Görgün sosial şəbəkə hesabında açıqlayıb.