Bakı, AzerPress:
Türkiyə ilə Yunanıstan arasında Maritsa çayı üzərində ikinci sərhəd körpüsü tikiləcək.
AzerPress xəbər verir ki, bu barədə razılaşma Türkiyə Avtomobil Yolları Baş Direktorunun müavini Səlahəddin Bayramçavuş və Yunanıstanın EGNATIA Avtomobil Yolları Direktoru Konstandinos Kuçukos arasında imzalanıb.
Qeyd edək ki, Maritsa Yunanıstan ilə Türkiyə sərhədinin bir hissəsini əmələ gətirib Bolqarıstandan Türkiyəyə axaraq Egey dənizinə tökülən çaydır.
Xatırladaq ki, 7 dekabr tarixində Türkiyə prezidenti Rəcəb Tayyib Ərdoğan Türkiyə-Yunanıstan Yüksək Səviyyəli Əməkdaşlıq Şurasının Beşinci iclasında iştirak etmək üçün Afinaya rəsmi səfər edib. İclas çərçivəsində Türkiyə ilə Yunanıstan arasında təhsil, enerji, nəqliyyat, turizm və ticarət sahələrində razılaşmalar, anlaşma memorandumları və bəyannamələr imzalanıb.