Bakı. AzerVoice:

Nyu-York-da yerləşən Türk Evində Türkiyə, İndoneziya və Pakistan Baş Konsulluqlarının birgə təşkilatçılığı ilə İslamofobiya mövzusunda panel təşkil edilib

Bakı. AzerVoice xəbər verir ki, paneldə açılış nitqi ilə çıxış edən Nyu-York baş konsulu Reyhan Özgür bildirib ki, İslamofobiya cəmiyyətdə birlik və qarşılıqlı hörmət prinsiplərini sarsıdır.

İslamofobiyanın təkcə müsəlmanları hədəf almadığına, eyni zamanda qlobal miqyasda cəmiyyətlərdə parçalanma və dözümsüzlüyü alovlandırdığına diqqət çəkən Reyhan, “Buna görə də buna qarşı ortaq mübarizə aparmalıyıq" - deyə bildirib.

Kolumbiya Universitetindən Dr Amra Sabic-El-Rayessin moderatorluğu ilə panel iştirakçıları İslamofobiya mövzusunda təqdimatlarını nümaayiş etdiriblər.

Panel iştirakçılarından indoneziyalı Dr. İmam Şəms Əli İslam dünyasının birləşməli olduğunu bildirərək, “Müsəlman ölkələri qisas almaq üçün deyil, dünyanı yenidən qurmaq üçün birləşməlidir” deyə qeyd edib.

İslam tarixinin zəngin mədəniyyət və tolerantlıq nümunəsi olduğunu xatırladan pakistanlı yazıçı Rza Əhməd Rumi, "Müsəlmanlar keçmişdən ilham almalı və dövrün ruhuna uyğun hərəkət etməli, Qərb cəmiyyətlərində örnək insanlar olmalıdırlar" deyə bildirib.