Bakı. AzerVoice:
1 iyun 2024-cü il tarixində paytaxt Bakıda Türk Dövlətləri Qiymətləndiricilərinin lll Forumu işinə başlayıb.
AzerVoice xəbər verir ki, Forumda Azərbaycan, Türkiyə, Qazaxıstan, Özbəkistan, Qırğızıstan, Türkmənistan, Şimali Kipr Türk Cümhuriyyətindən, eləcə də qonaq qismində Rusiya, Belarus və Gürcüstandan qiymətləndirmə birliklərinin rəhbərləri, sektorun fəal iştirakçıları iştirak edirlər.
Qeyd edək ki, Azərbaycan, Türkiyə, Qazaxıstan, Özbəkistan, Qırğızıstan, Türkmənistan, Şimali Kipr Türk Cümhuriyyətinin qiymətləndirmə birlikləri Türk Dövlətləri Qiymətləndiricilər Birlikləri Şurasının kollektiv üzvüdür. 700-dən artıq qiymətləndirmə şirkəti və minlərlə qiymətləndiricini öz sıralarında birləşdirən Türk Dövlətləri Qiymətləndiricilər Birliyi 2023-cü ilin iyun ayının 1-də Qazaxıstanın Türküstan şəhərində təsis olunub.
