Misir Prezidenti Əbdülfəttah əs-Sisi ABŞ Prezidenti Donald Trampın Misir və Efiopiya arasında Nil çayı suları ilə bağlı yaranmış mübahisəni həll etmək üçün təqdim etdiyi vasitəçilik təklifini yüksək qiymətləndirdiyini bildirib. Şənbə günü sosial media hesabı vasitəsilə açıqlama verən Sisi, Trampın məktubuna cavab olaraq Misirin mövqeyini və Efiopiyanın "Böyük Efiopiya İntibah Bəndi" (GERD) layihəsi ilə bağlı su təhlükəsizliyi qayğılarını bir daha təsdiqlədiyini qeyd edib.

ABŞ Prezidenti Donald Tramp Milad axşamı münasibətilə bayram təbrikləri yayıb, eyni zamanda Demokrat Partiyasını sərt tənqid edib. Tramp Demokratları “radikal sol çirkab” adlandırıb və onların ölkəni məhv etmək üçün əlindən gələni etdiklərini bildirib. Floridadakı Mar-a-Lago iqamətgahından fəaliyyət göstərən Tramp, NORAD Santa izləmə zənglərinə qatılıb və dünya üzrə ABŞ hərbçilərinə bayram təbriklərini çatdırıb. Lakin Demokratlara qarşı sərt mövqe sərgiləyib və onların siyasətlərini tənqid edib.

ABŞ Prezidenti Donald Tramp 6 yanvar 2021-ci ildə etdiyi çıxışın bir sənədli filmdə montaj olunma formasına görə Böyük Britaniyanın ictimai yayım qurumu BBC-yə qarşı 5 milyard dollarlıq böhtan iddiası qaldırıb. Tramp həmçinin Florida ştatının ticarət təcrübələri haqqında qanununun pozulduğu iddiası ilə əlavə olaraq daha 5 milyard dollar tələb edir. Florida ştatında məhkəməyə təqdim edilən iddia ərizəsində bildirilir ki, BBC-nin Panorama sənədli filmində Trampın çıxışının müxtəlif vaxtlarında səsləndirdiyi cümlələr “qəsdən, pis niyyətlə və aldadıcı şəkildə təhrif edilərək” onun barəsində böhtan xarakterli təqdimat yaradılıb.

ABŞ Prezidenti Donald Tramp, Ukrayna Prezidenti Volodimir Zelenskinin ölkəsinin təklif etdiyi “sülh planını” oxumadığını və buna görə məyus olduğunu bildirib. Tramp, Kennedi Mərkəzində iştirak etdiyi tədbirdə qırmızı xalça üzərində jurnalistlərin gündəmə dair suallarını cavablandırıb. Zelenskinin, Rusiya-Ukrayna Müharibəsini bitirməyə yönəlmiş ABŞ-ın təklif etdiyi planı hələ oxumadığını qeyd edən Tramp, bu səbəbdən məyusluq yaşadığını söyləyib.

Cənubi Koreya Dövlət Başçısı Li Cae Myonq, ölkəsində istifadə olunmuş nüvə yanacağının yenidən işlənməsi və ya uran zənginləşdirmə fəaliyyəti üçün ortaq müəssisə yaradılması barədə ABŞ Prezidenti Donald Tramp ilə razılığa gəldiklərini bildirib. Cənubi Koreyada nəşr olunan The Chosun Daily qəzetinin məlumatına görə, Li, paytaxt Seulda təşkil edilən mətbuat konfransında, ölkəsinin nüvə sahəsində atdığı addımlar barədə danışıb. Li, Trampın istifadə olunmuş nüvə yanacağının yenidən işlənməsi və ya uran zənginləşdirmə fəaliyyətlərinin Cənubi Koreyada həyata keçirilməsini və bunun üçün iki ölkə arasında 50-50 ortaq müəssisə yaradılmasını təklif etdiyini bildirib.

ABŞ Prezidenti Donald Tramp, Venesuela ilə bağlı yeni açıqlamalarında Prezident Nikolas Maduro ilə müəyyən səviyyədə təmasların ola biləcəyini bildirib. Floridadakı istirahətindən Vaşinqtona dönərkən jurnalistlərin suallarını cavablandıran Tramp, “Maduro ilə bəzi görüşmələr aparır ola bilərik və bunun necə nəticələnəcəyini görəcəyik. Onlar danışmaq istəyirlər,” deyə qeyd edib. Venesuela ilə bağlı yeni irəliləyiş olub-olmaması barədə suala isə Tramp “Xeyr, yoxdur,” cavabını verib.

İsrailli tədqiqatçı Şolom Libner bildirir ki, ABŞ prezidenti Donald Trampın Qəzza müharibəsindən sonrakı aktiv müdaxiləsi İsrail baş naziri Benyamin Netanyahunu misilsiz təzyiq altına salıb. Libnerin “National Interest”də dərc olunan analizinə görə, Trampın Qəzzada daimi razılaşma əldə etməyə çalışması Netanyahunun hökuməti üçün “siyasi zərbə” yarada bilər. Qəzzada döyüşlər sona yaxınlaşdıqca həm İsrail daxilində, həm də regionda liderlik boşluğu dərinləşib.

ABŞ Prezidenti Donald Trampın “beynəlxalq qüvvələr çox yaxın zamanda Qəzzaya yerləşdiriləcək” açıqlamasından bir neçə saat sonra İsrailin müdafiə naziri Yisrael Kats bəyan edib ki, ordusuna Qəzzadakı “HƏMAS” tunellərinin “sonuncu tunelədək” məhv edilməsi barədə göstəriş verib.

ABŞ Prezidenti Donald Tramp çərşənbə günü “Truth Social” platformasında yazaraq bildirib ki, “Biz Cənubi Koreyaya Kanada ilə görüşməyə gəlməmişik!”, ABŞ-ın şimal qonşusu ilə yaşanan ticarət gərginliyi fonunda belə açıqlama verib. Tramp bu gün Koreya yarımadasının şərqində yerləşən Gyeongju şəhərinə gəlib və Asiya-Sakit Okean İqtisadi Əməkdaşlıq Təşkilatının (APEC) sammitində iştirak edəcək.

ABŞ-ın prezidenti Donald Tramp 2028-ci ildə keçiriləcək prezident seçkilərində yenidən namizəd olma niyyətini açıqlayıb. Asiya turu zamanı jurnalistlərin suallarını cavablandıran Tramp “Bunu etməyi çox istərdim. Sorğularda ən yaxşı nəticələrə sahibəm” deyərək mümkün namizədliyinə işarə edib. Tramp, ABŞ konstitusiyasına görə prezidentlik vəzifəsinin iki müddətlə məhdudlaşdırılması məsələsində “qanuni mübarizə” aparıb-aparmayacağı soruşulduqda isə bu mövzunu hələ düşünmədiyini bildirib.

HƏMAS-ın həyata keçirdiyi edam dalğasının fonunda, Qəzzanın cənubunda, Xан Yunus ərazisində İsrail dəstəyi ilə fəaliyyət göstərən silahlı qruplaşmanın komandiri Hüsam əl-Əstəl dünyanı Qəzza sakinlərini HƏMAS-dan “müdafiə” etməyə çağırıb.

İsrailin iki il davam edən Qəzza müharibəsi (2023-2025) ərzində “HƏMAS” hərəkatı yalnız xarici deyil, həm də daxili təhdidlərlə üzləşdi. Müharibə dövründə bir sıra qəbilə və silahlı dəstələr meydana çıxaraq bölgədə təhlükəsizlik boşluğu yaratmağa cəhd göstərdi. Atəşkəsin qüvvəyə minməsindən bir neçə gün öncə “HƏMAS” Xan Yunis şəhərinin cənubunda yerləşən Məcaidə qəbiləsinin silahlıları ilə ən böyük toqquşmasına girdi. Müharibə bitdikdən dərhal sonra isə hərəkat Dəğmiş qəbiləsi ilə daha geniş döyüşlər apardı və İsrailin himayəsində fəaliyyət göstərən silahlı qrupları izləməyə başladı.