ABŞ-ın İranla müharibə fonunda raket və sursat ehtiyatlarının sürətlə tükənməsi Vaşinqtonu hərbi istehsalı genişləndirməyə və daha ucuz silah sistemlərinə yönəlməyə məcbur edir. ABŞ Müdafiə Nazirliyi ölkənin birbaşa təhdidləri dəf etmək üçün kifayət qədər silaha sahib olduğunu bildirsə də, rəsmilər əsas problemlərdən birinin xammal çatışmazlığı olduğunu açıqlayıb.

ABŞ prezidenti Donald Tramp ölkəsinin Yaxın Şərqdə yerləşdirilən silah ehtiyatları barədə açıqlama verib. O, indiyədək həmin ehtiyatlardan yalnız çox cüzi hissənin istifadə edildiyini bildirib. Tramp bu barədə “Foks Nyus” telekanalına müsahibəsində danışıb. ABŞ prezidenti bölgədəki silah ehtiyatlarının böyük hissəsinin hələ istifadədə olmadığını vurğulayıb. Onun sözlərinə görə, indiyədək istifadə olunan silahların həcmi ümumi ehtiyatla müqayisədə çox azdır. Tramp bununla ABŞ-ın bölgədə geniş hərbi imkanlarının qaldığını göstərib. Açıqlama ABŞ və İran arasında davam edən qarşıdurma fonunda səsləndirilib.