Livan prezidenti Cozef Aun BMT qüvvələrinin ölkənin cənubunda fəaliyyətinin davam etdirilməsini dəstəkləyib. O, beynəlxalq qüvvələrin mandatının uzadılması ilə bağlı parlament təşəbbüsünü müsbət qiymətləndirib. Aun bildirib ki, BMT qüvvələrinin Cənubi Livanda mövcudluğu bölgədə sabitliyin qorunması baxımından mühümdür. Onun sözlərinə görə, beynəlxalq qüvvələr Livan ordusu ilə əməkdaşlıq və koordinasiya şəraitində fəaliyyət göstərməlidir. Prezident mandatın uzadılmasını Livanın əsas seçimi kimi təqdim edib. Əgər mandat uzadılmasa, beynəlxalq qüvvələrin bölgədə fəaliyyətini davam etdirməsini təmin edən hüquqi mexanizmin qəbul edilməsi təklif olunur. Aun İsrailin BMT qüvvələrinin Livandan çıxarılmasını istədiyini bildirib. Livan isə beynəlxalq qüvvələrin ölkənin cənubunda fəaliyyətini davam etdirməsinə tərəfdardır.