Misir İsrailin UNRWA-nın Qələndiyyə qaçqın düşərgəsindəki təlim mərkəzinə keçirdiyi reydi pisləyib. Qahirə bu addımı BMT obyektlərinin toxunulmazlığının pozulması kimi qiymətləndirib. Misir Xarici İşlər Nazirliyi İsrailin beynəlxalq humanitar hüququ və Cenevrə Konvensiyalarını pozduğunu bəyan edib. Bəyanatda tələbə və əməkdaşların saxlanılması da tənqid olunub. Misir beynəlxalq ictimaiyyəti və BMT Təhlükəsizlik Şurasını təcili tədbirlər görməyə çağırıb. Həmçinin UNRWA-nın fəaliyyətinin qorunmasının vacibliyi vurğulanıb. İsrail tərəfi məsələ ilə bağlı hələlik rəsmi açıqlama verməyib.