İran Prezidenti Məsud Pezeşkian paytaxt Tehran üçün ciddi su qıtlığı xəbərdarlığı edib. Prezident bildirib ki, yaxın günlərdə yağış yağmasa, gələn aydan etibarən şəhərdə su kəsintiləri tətbiq olunacaq. Əgər bu tədbirlər də kifayət etməzsə, Tehranı boşaltmaq məcburiyyətində qalacaqlarını deyib. “Yağış yağmazsa, gələn aydan etibarən Tehranda su məhdudlaşdırmasına gedəcəyik. Bundan sonra da yağış olmazsa, suyumuz tükənəcək və Tehranı təxliyə etməyə məcbur olacağıq,” – deyə Pezeşkian bildirib.

Alimlərin proqnozlarına görə, iqlim dəyişikliyi yaxın onilliklərdə su ehtiyatlarının miqdarına, keyfiyyətinə və idarə olunmasına dərin təsir göstərəcək. Xüsusilə su qıtlığı kənd təsərrüfatı, enerji və şəhər təsərrüfatı üçün ən böyük risklərdən biri kimi qiymətləndirilir.

2025-ci ilin iyul ayı dünyada qeydə alınan üçüncü ən isti iyul ayı olaraq tarixə keçdi. Bu ay Türkiyənin Şırnak vilayətinin Silopi rayonunda 50,5 dərəcə ilə bütün zamanların istilik rekordu qırıldı və Cənub-Şərqi Avropa istilik dalğaları və meşə yanğınları ilə üz-üzə qaldı.

Meksikanın Michoacan ştatında yerləşən və təxminən 2.500 il yaşı olan qədim bir piramida 2025-ci il iyulun 29-u gecəsi güclü yağışlar səbəbindən dağılıb. Təxminən 15 metr hündürlüyündə olan kvadrat formalı tikilinin cənub divarı davamlı yağıntıya dözə bilməyərək dağıntıya çevrilib.

İngiltərədə ekstremal istilər nəticəsində su istifadəsinə ciddi məhdudiyyətlər tətbiq edilib.

Suriyada son 60 ilin ən böyük quraqlığı səbəbindən 16 milyondan çox insan aclıq təhlükəsi ilə üzləşə bilər.