İran ABŞ-nin nüvə obyektlərinə yönəlmiş təhdidlərinə sərt reaksiya verib. İran Xarici İşlər Nazirliyinin sözçüsü İsmayıl Bəqai ABŞ-ni beynəlxalq hüququ pozmaqda ittiham edib. O bildirib ki, İranın bütün nüvə fəaliyyəti Atom Enerjisi üzrə Beynəlxalq Agentliyinə rəsmi şəkildə bəyan olunub. Bəqayi ABŞ-nin Koləng dağına yönəlmiş ittihamlarını əsassız adlandırıb. Onun sözlərinə görə, həmin ərazidə heç bir nüvə fəaliyyəti aparılmır. İran rəsmisi Agentliyin Baş direktorunu da susqun qalmaqda tənqid edib. Tehran ölkənin suverenliyinə qarşı hər hansı hücuma qətiyyətlə cavab veriləcəyini bəyan edib. İran xalqının belə bir vəziyyətdə birlik nümayiş etdirəcəyi vurğulanıb.