Qətər Dövləti terrorizmin bütün forma və təzahürlərini növbəti dəfə kəskin şəkildə pisləyib. Rəsmi Doha qeyd edib ki, icraçılardan və motivlərdən asılı olmayaraq, terrorizm beynəlxalq sülhə, təhlükəsizliyə, davamlı inkişafa, insan hüquqlarına və qanunun aliliyinə ciddi təhdiddir. ArabAZ xəbər verir ki,Qətər BMT-nin Qlobal Əks-Terror Strategiyasına və onun dörd əsas sütununun tam yerinə yetirilməsinə sadiq olduğunu bəyan edib.
#terrorizm
Türkiyə Prezidenti Rəcəb Tayyib Ərdoğan iyirmi üç aprel Milli Suverenlik və Uşaq Bayramı ilə yanaşı Türkiyə Böyük Millət Məclisinin açılışının yüz altıncı ildönümü münasibətilə keçirilən rəsmi qəbulda iştirak edib. Parlament sədri Numan Kurtulmuşun ev sahibliyi etdiyi tədbirdə dövlət başçısı gündəmdəki mühüm məsələlərlə bağlı jurnalistlərin suallarını cavablandırıb.
Küveyt Xarici İşlər Nazirliyi bazar günü yaydığı sənədlə "terrorizmlə mübarizə" qaydaları çərçivəsində Livanın səkkiz xəstəxanasını müvafiq siyahıya daxil etdiyini bildirib. Küveyt tərəfinin bu addımı regionda geniş rezonans doğurub. Livanın Səhiyyə Nazirliyi Küveytin bu qərarını "böyük təəccüblə" qarşıladıqlarını bəyan edib. Nazirlik tərəfindən verilən rəsmi açıqlamada qeyd olunub ki, bu məsələ ilə bağlı Küveytin hər hansı bir qurumundan əvvəlcədən heç bir məlumat və ya bildiriş daxil olmayıb. Bildirilib ki, nazirlik məsələyə aydınlıq gətirilməsi üçün rəsmi müraciət edəcək.
Türkiyənin daxili işlər naziri Ali Yerlikaya sosial media hesabından verdiyi rəsmi açıqlamada MLKP terror təşkilatına qarşı keçirilən genişmiqyaslı əməliyyatlar barədə məlumat paylaşıb. İstanbul Respublika Baş Prokurorluğu və İstanbul Polis İdarəsinin koordinasiyası ilə Terrorla Mübarizə və Kəşfiyyat şöbə müdirliyi tərəfindən həyata keçirilən tədbirlər çərçivəsində, silahlı terror təşkilatının mətbuat və gənclər qanadları vasitəsilə fəaliyyət göstərən şəxslər müəyyən edilərək hədəf alınıb.
Türkiyə terroru olmayan hədəfə çatana qədər səbr, səmimiyyət, cəsarət və qətiyyətlə hərəkət etməyə davam edəcək. Prezident Rəcəb Tayyib Ərdoğan G20 Liderlər Zirvəsinə qatılmaq üçün səfər etdiyi Cənubi Afrika Respublikasından qayıdarkən jurnalistlərin suallarını cavablandırıb. O, həmçinin G20 Zirvəsinin ilk dəfə Afrika qitəsində keçirilməsindən məmnunluğunu ifadə edib və zirvənin bütün insanlıq üçün xeyirli olmasını arzulayıb.
2001-ci il noyabrın 10-da, Ümumdünya Ticarət Mərkəzi və Pentaqona qarşı 11 sentyabr terror hücumlarından sonra ABŞ Prezidenti Corc Buş Birləşmiş Millətlər Təşkilatında çıxış edərək beynəlxalq ictimaiyyətdən dünyada terrorizmə qarşı mübarizədə yardım göstərməyi xahiş etdi. O, həmçinin terrorçulara sığınacaq verən istənilən yerə qarşı mübarizə aparacağına söz verdi.
Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, habelə terrorçuluq, terrorçuluğu maliyyələşdirmə ilə bağlı maddələri ilə və digər ağır cinayətlərdə təqsirləndirilən Ermənistan vətəndaşı Ruben Vardanyanın barəsində cinayət işi üzrə məhkəmə prosesi oktyabrın 14-də davam etdirilib.
Türkiyənin Qaziantep vilayətində Əl-Qaidə və İŞİD terror təşkilatlarının təbliğatını aparmaq və İŞİD-ə üzv olmaq ittihamı ilə saxlanılan 10 şübhəlidən 7-si həbs edilib. Bu barədə Qaziantep Valiliyi məlumat yayıb. Məlumata görə, Təhlükəsizlik Müdirliyinin Terrorla Mübarizə Şöbəsi əməkdaşları Baş Prokurorluqla koordinasiyalı şəkildə şəhərdə müəyyən edilən ünvanlara əməliyyat keçirib. Əməliyyat nəticəsində 10 nəfər saxlanılıb.
“Terrorsuz Türkiyə” prosesi ölkənin inkişafına, şərq ilə qərb arasında ümumi zənginləşməyə və rifaha xidmət edəcək. Bu fikri Türkiyə Böyük Millət Məclisinin (TBMM) sədri Numan Kurtulmuş səsləndirib. O bildirib ki, terror probleminin tamamilə aradan qaldırılması yalnız təhlükəsizlik tədbirləri ilə mümkün deyil. Bu, çoxşaxəli və hərtərəfli yanaşma tələb edən prosesdir. Kurtulmuş, həmçinin cəmiyyətin müxtəlif təbəqələrinin dinlənməsinin vacibliyini vurğulayıb, eyni zamanda sürətli addımların atılmasının da zəruriliyini qeyd edib.
Türkiyəni terror bəlasından xilas edəcəyik. Bu sözləri Türkiyə prezidenti Rəcəb Tayyib Ərdoğan Malatyada keçirilən 300 mininci Təbii Fəlakət Mənzili Püşkatma mərasimində çıxış edərkən səsləndirib. “Bizim gündəmimizdə yalnız ölkəni terror bəlasından əbədi olaraq xilas etmək var. Bu çərçivədə səbrlə və soyuqqanlılıqla çalışırıq. Məqsədimizə yaxınlaşdıqca hücumlar daha da artır. Bir tərəfdən əsassız xəbərlərlə şəhid və qazi ailələrimizi narahat etməyə cəhd edirlər. Muhtarlıqların bağlanması isə əsla gündəmdə deyil” – deyə, Ərdoğan bildirib.
“Terrorsuz Türkiyə” prosesinin heç bir mərhələsində terror təşkilatı ilə danışıqlar aparılmayıb və bundan sonra da aparılmayacaq. Bunu Türk Böyük Millət Məclisinin (TBMM) sədri Numan Kurtulmuş Malazgirt Zəfərinin 103-cü ildönümü münasibətilə Afyonkarahisar şəhərində qeyri-hökumət təşkilatlarının (QHT) nümayəndələri ilə görüşdə çıxış edərkən deyib.
“Terrorsuz Türkiyə” dövründə qarşımızdakı qızıl fürsət itirilməməli, qardaşlıq ruhu və milli birliyimiz zədələnməməlidir. Bu sözləri Türkiyənin Milliyyətçi Hərəkat Partiyasının (MHP) sədri Devlet Bahçeli deyib. Bahçeli çıxışında Türk millətinin tarix boyu mədəniyyətin daşıyıcısı olduğunu vurğulayıb və millətin birliyindən narahat olan dairələrin planlarına diqqət çəkib.