Türkiyə Prezidenti Rəcəb Tayyib Ərdoğan 11 illik fasilədən sonra Efiopiyanın paytaxtı Əddis-Əbəbəyə rəsmi səfər edib. Efiopiya Baş naziri Abiy Əhməd ilə keçirilən birgə mətbuat konfransında Ərdoğan regional təhlükəsizlik məsələlərinə toxunub. O, İsrailin Somalilendi tanımaq cəhdlərini tənqid edərək "İsrailin Somalilendi tanımasının nə Somalilendə, nə də Afrika Buynuzuna bir faydası yoxdur"-deyə bildirib. Türkiyə lideri regionun xarici güclərin mübarizə meydanına çevrilməsinin əleyhinə olduqlarını vurğulayıb.