Türkiyə Avrasiya, Ərəb və Afrika litosfer lövhələrinin qarşılıqlı təsir zonasında yerləşdiyi üçün yüksək seysmik risk daşıyan ölkələrdən sayılır. Ölkə daxilində Şimal Anadolu, Şərqi Anadolu və Qərbi Anadolu qırılma xətləri zəlzələ riskinin əsas mənbələri kimi göstərilir. Mütəxəssislər Türkiyə əhalisinin əhəmiyyətli hissəsinin aktiv qırılma zonalarına yaxın ərazilərdə yaşadığını bildirir və bu səbəbdən tikililərin zəlzələyə davamlılığının artırılmasını, xüsusilə şəhərlərin yenilənməsi layihələri çərçivəsində möhkəmləndirmə tədbirlərinin genişləndirilməsini vacib sayırlar.