Son dövrlər sosial şəbəkələrdə geniş müzakirə olunan Hotellinq qanunu barədə yayılan izahların əhəmiyyətli hissəsinin elmi nəzəriyyənin mahiyyətini tam əks etdirmədiyi bildirilir. Mütəxəssislər qeyd edirlər ki, ən çox rast gəlinən yanlışlıq Hotellinq qanununun coğrafi klasterləşdirmə anlayışı ilə eyniləşdirilməsidir.

DİF-in “Sənaye Klasterlərinə Keçid” təşəbbüsü çərçivəsində əməkdaşlıq gündəliyi müzakirə edilib. İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzinin (4SİM) icraçı direktoru Fariz Cəfərov Davosda Dünya İqtisadi Forumunun Sənaye Ekosistemlərinin Transformasiyası Proqramının rəhbəri Yörgen Sandströmla görüşüb.