Bu gün cəmiyyətdə, biznes mühitində və qlobal arenada ən çox qarşılaşdığımız mövzulardan birini – konfliktlərin idarə olunmasını və bu sahədə ən effektiv alətlərdən biri olan mediasiya institutunu müzakirə edirik. Qonağımız Mediasiya və hüquq sahəsi üzrə tanınmış ekspert Hümmət Əliyevdir

Müasir dövrdə cəmiyyət daxilində yaranan sosial, ailəvi və əmək münasibətlərindən irəli gələn mübahisələrin artması alternativ mübahisə həlli mexanizmlərinə olan ehtiyacı daha da aktuallaşdırır. Azərbaycan Respublikasında mediasiya institutu son illərdə hüquqi islahatların mühüm istiqamətlərindən biri kimi inkişaf etdirilir. Mediasiya yalnız hüquqi mübahisələrin həlli vasitəsi deyil, eyni zamanda cəmiyyətdə sosial harmoniyanın, qarşılıqlı anlaşmanın və sabitliyin qorunmasına xidmət edən mühüm sosial mexanizm hesab olunur.

Mediasiya son illərdə Azərbaycanda mübahisələrin alternativ həlli üsulu kimi daha geniş tətbiq olunmağa başlayıb. Bu mexanizmin mərkəzində isə “könüllülük prinsipi” dayanır. Bəs bu prinsip praktikada necə işləyir? Məcburi mediasiya anlayışı ilə ziddiyyət təşkil edirmi? Bu və digər sualları hüquq eksperti ilə müzakirə etdik.

Hüquq Bələdçisi rubrikasında Quba 1 saylı Mediasiya Təşkilatının direktoru, hüquqşünas mediator Hümmət Əliyev mediasiya prosesinin mahiyyəti, prinsipləri və vətəndaşlar üçün üstünlükləri barədə mühüm məqamlara aydınlıq gətirib.

Hüquq Bələdçisi rubrikasında Quba 1 saylı Mediasiya Təşkilatının direktoru, hüquqşünas mediator Hümmət Əliyev mediasiya prosesinin mahiyyəti, əsas prinsipləri və vətəndaşlar üçün yaratdığı üstünlüklər barədə ətraflı məlumat verir. O, Azərbaycan Respublikasının “Mediasiya haqqında” Qanununa əsasən mediasiyanın tərəflərin könüllü razılığı və neytral mediatorun iştirakı ilə həyata keçirilən, məhkəmədənkənar alternativ mübahisə həlli mexanizmi olduğunu vurğulayır.