Yunanıstan hökuməti 15 yaşınadək uşaqların sosial media platformalarından istifadəsinin qadağan edilməsi ilə bağlı hazırlıqları yekunlaşdırmaq üzrədir. Rəsmi Afina rəqəmsal mühitdə uşaqların təhlükəsizliyini təmin etmək məqsədilə yeni məhdudiyyətlər üzərində işləyir. Yunanıstanın Rəqəmsal İdarəetmə Nazirliyi tərəfindən hazırlanan layihədə yaşın müəyyən edilməsi üçün mühüm infrastrukturdan istifadə olunacaq. Qeyd olunur ki, 2025-ci ilin noyabr ayından etibarən tətbiq edilən "Kids Wallet" proqramı uşaqların yaşını dəqiq təsdiqləmək üçün lazımi bazanı təmin edir. Bu sistem vasitəsilə platformalara daxil olan istifadəçilərin yaş həddinə uyğun olub-olmadığı yoxlanılacaq.

ABŞ-nin Montclair Dövlət Universitetinin professoru Qabriel Rubin tərəfindən aparılan araşdırma çərçivəsində 107 gənclə siyasət, risk qavrayışı və etiraz mədəniyyəti mövzularında uzunmüddətli müsahibələr keçirilib. Nəticələrə görə, iştirakçıların böyük əksəriyyəti “Z nəsli dünyanı qorxuducu bir yer kimi görür” fikri ilə razılaşıb. Respondentlərin çoxu bu qorxunun şəxsi həyatlarına da birbaşa təsir etdiyini bildirib.