Ukrayna Prezidenti Volodimir Zelenski ABŞ-ın Ukraynaya təqdim etməyi planlaşdırdığı təhlükəsizlik zəmanətləri ilə bağlı irəli sürdüyü şərtlərlə razı olmadığını açıqlayıb. Zelenski bildirib ki, ABŞ təhlükəsizlik zəmanətləri üzərində işləyir, lakin ilkin mərhələdə ərazi mübadiləsi və ya oxşar məsələlərin həllini şərt kimi irəli sürür. Ukrayna lideri daha əvvəl danışıqlarda Kiyev üçün prioritet məsələnin məhz təhlükəsizlik zəmanətləri olduğunu bildirmişdi.

Ukrayna Prezidenti Volodimir Zelenski ABŞ Prezidenti Donald Trampın münaqişənin tezliklə razılaşma yolu ilə həll olunması ilə bağlı çağırışlarına sərt reaksiya verib. Ukrayna mətbuatında yayılan məlumatlara görə, Zelenski Tramp administrasiyasından gələn “kompromislər üçün vaxtdır” mesajlarına cavab olaraq bildirib ki, Ukrayna indiyədək kifayət qədər güzəştlərə gedib və əlavə kompromislər ölkənin təhlükəsizliyi təmin olunmadan mümkün deyil.

Ukrayna tərəfi Rusiyanın paytaxt Kiyev və Xarkiv şəhərlərinə raket və pilotsuz uçuş aparatları (PUA) ilə hava hücumları həyata keçirdiyini bildirib. Kiyev şəhərinin meri Vitali Kliçko sosial şəbəkə hesabında verdiyi açıqlamada, Rusiya ordusunun paytaxta PUA hücumu təşkil etdiyini qeyd edib. Onun sözlərinə görə, hücum nəticəsində şəhərdə uşaq bağçası və bir neçə yaşayış binası zərər görüb, ilkin məlumata əsasən iki nəfər yaralanıb.

Ukraynanın paytaxtı Kiyev də daxil olmaqla bir sıra şəhərlərdə genişmiqyaslı elektrik enerjisi kəsintiləri qeydə alınıb. Kiyev meri Vitali Kliçko sosial şəbəkə hesabında bildirib ki, enerji təchizatının dayanması səbəbindən paytaxt metrosunun fəaliyyəti müvəqqəti olaraq dayandırılıb.

2026-cı il yanvarın 7-də ABŞ hərbçilərinin Rusiya bayrağı altında üzən “Marinera” adlı neft tankerini ələ keçirməsi sadəcə diplomatik qalmaqal deyil. Bu hadisə beynəlxalq nizamın yeni mərhələyə keçdiyini, burada hüquqla güc arasında tarazlığın pozulduğunu və İkinci Dünya müharibəsindən bəri ilk dəfə qlobal dəniz hüququnun sınağa çəkildiyini göstərir. Bir baxışda bu, sanki hüquqi səlahiyyətlərlə sanksiya siyasəti arasındakı ziddiyyət təsiri bağışlayır. Amma əslində söhbət ABŞ hegemonluğunun sərhədlərinin yoxlanılmasından, Rusiyanın isə öz bayrağını yalnız rəmzi deyil, həm də institusional səviyyədə qorumaq gücündən gedir.

Kanadanın Baş naziri Mark Karni yanvarın 5-dən 6-dək Parisdə keçiriləcək "könüllülər koalisiyası"nın iclasında iştirak etmək üçün Fransaya səfər edəcək. Bu barədə Kanada Baş nazirinin mətbuat xidməti bildirib.

Ukrayna Prezidenti Volodimir Zelenski şənbə günü Kiyevə yönələn yeni hücumlar fonunda Avropa liderləri ilə danışıqlar aparacaq. Rusiyanın dron və raket hücumları nəticəsində Kiyevin üçdə biri isitmə sistemi olmadan qalıb, yüz minlərlə insan donma təhlükəsi ilə üz-üzədir.

Ukraynanın paytaxtı Kiyevdə elektrik təchizatı dayandırılıb. Bundan əvvəl Rusiya Silahlı Qüvvələrinin (RSQ) Kiyev və vilayət ərazisində energetika obyektlərinə hücumu barədə məlumat yayılmışdı.

Ukrayna ABŞ-a yeni sülh planının yenilənmiş versiyasını təqdim etməyə hazırlaşır. Volodimir Zelenski isə bir daha vurğulayıb ki, Kiyev Rusiya ilə danışıqlarda ərazi güzəştlərinə getməyəcək və ölkənin mövcud sərhədlərinin dəyişdirilməsi “nə hüquqi, nə də mənəvi baxımdan mümkün deyil. Zelenski Avropa və NATO liderləri ilə görüşləri zamanı ABŞ-dan gələn təkliflərə dair mövqeyini sərtləşdirib və Vaşinqtona yeni alternativ plan göndəriləcəyini açıqlayıb. Bu, ABŞ və Ukrayna nümayəndə heyətlərinin son günlərdə apardığı intensiv danışıqların nəticəsiz qalmasının ardından gündəmə gəlib.

Ukrayna Prezidenti Volodimir Zelenski Avropa ölkələrini Rusiyaya məxsus dondurulmuş aktivlərlə bağlı qərar verməyə çağırıb. Ukrayna liderinin sözlərinə görə, hava hücumundan müdafiə sistemləri üçün kifayət qədər raket təmin etmək məqsədilə hər gün fasiləsiz şəkildə işləmək lazımdır.

Ötən gecə Ukraynada Kiyev şəhəri və Kiyev vilayətinin elektrik enerjisi təchizatı obyektləri rakel və dron hücumlarına məruz qalıb. Bu barədə xarici KİV-ə istinadən xəbər verir.

Kiyevə daha çox silah verməklə və ya sanksiyaları artırmaqla Ukraynanın qələbə qazanacağına dair bir illüziya dolanmaqdadır. Bunu ABŞ-nin vitse-prezidenti Cey Di Vens öz rəsmi “X” hesabında yazıb.