FIFA azarkeşlərdən daxil olan rəyləri nəzərə alaraq yeni bilet sistemi ilə bağlı qərar qəbul edib. Qurumdan bildirilib ki, qərar yekdilliklə təsdiqlənib. Yeni qərarı Böyük Britaniyanın Baş naziri Kir Starmer də müsbət qarşılayıb. O, həqiqi azarkeşlərin futboldan uzaqlaşmaması üçün biletlərin daha əlçatan olmasının vacibliyini vurğulayıb. Yeni tənzimləməyə əsasən, 60 ABŞ dolları dəyərində olan ən ucuz bilet kateqoriyası 2026-cı il dünya çempionatına ev sahibliyi edəcək Kanada, Meksika və ABŞ-da keçiriləcək oyunlar üzrə hər futbol federasiyasına ayrılan biletlərin 10 faizini təşkil edəcək.

Türkiyə milli futbol komandası, 2026 FIFA Dünya Kuboku Avropa Seçmə Oyunları E qrupu üzrə altıncı və son matçında sabah səfərdə İspaniya ilə qarşılaşacaq. Bu, Türkiyə millisinin tarixində 647-ci rəsmi oyunu olacaq. Oyunun yeri La Cartuja Stadionudur və qarşılaşma 18 noyabr Bakı vaxtı ilə 23:45-də başlayacaq. Matçın baş hakimi Almaniya Futbol Federasiyasından Felix Zwayer olacaq. Ona eyni ölkədən Robert Kempter və Christian Dietz yardım edəcək, 4-cü hakim isə Sven Jablonski olacaq.

FIFA, 2034-cü ildə keçiriləcək Dünya Çempionatını 2035-ci ilin əvvəlinə keçirməyi planlaşdırır. Səbəb isə Ramazan ayının 2034-cü ildə noyabr və dekabr aylarına təsadüf etməsidir. "The Athletic"in məlumatına görə, 2034-cü ildə Səudiyyə Ərəbistanında təşkil olunacaq Dünya Çempionatının Ramazan ayına təsadüf etməsi səbəbindən FIFA turnirin 2035-ci ilin əvvəllərində keçirilməsini gündəmə alıb.

Məsələ FIFA prezidenti Canni İnfantino ilə Hakimlər Komitəsinin rəhbəri Pyerluidji Kollina arasında müzakirə olunub və tərəflər dəyişikliyin zəruriliyi barədə razılığa gəliblər. Qaydanın 2026–2027 mövsümündə qüvvəyə minməsi üçün Beynəlxalq Futbol Assosiasiyaları Şurasının (IFAB) təsdiqi tələb olunur.