ABŞ İranın Xuzistan vilayətində yerləşən Abadan və Məhşəhr şəhərlərinə zərbələr endirib. Hücumlar İraq və Küveyt sərhədlərinə yaxın ərazilərdə həyata keçirilib. İran rəsmiləri zərbələrin baş verdiyini açıqlayıb. Abadan şəhərində Yaxın Şərqin ən qədim neft emalı zavodlarından biri yerləşir. Məhşəhr isə mühüm liman şəhəri hesab olunur. Hücumların ABŞ-İran qarşıdurması çərçivəsində həyata keçirildiyi bildirilir. Bölgədəki gərginlik enerji infrastrukturu və ticarət yolları ilə bağlı narahatlıqları artırır.

İranda hava çirkliliyinin qarşısının alınması məqsədilə Tehran Neft Emalı Zavodunda Euro-5 standartlarına uyğun benzin istehsalına başlanacağı bildirilib. İran hökumətinin sözçüsü Fatma Mühacirani paytaxt Tehranda keçirdiyi mətbuat konfransında gündəmdəki məsələləri dəyərləndirib. O, hava çirkliliyi ilə mübarizə üçün ciddi qərarların qəbul edildiyini açıqlayıb. Mühacirani gələn ildən etibarən Tehran Neft Emalı Zavodunda Euro-5 benzin istehsalına başlanacağını və bunun şəhərdəki hava çirkliliyinin azalmasına müsbət təsir göstərəcəyini bildirib.

İsrailin Hayfa şəhərində yerləşən "Bazan Group" şirkətinə məxsus neft emalı zavodları, iyunun ortalarında İranın endirdiyi raket zərbəsi səbəbilə fəaliyyətini dayandırmışdı.

İranın şimal-qərbində yerləşən Təbriz neft emalı zavodunun inşa edilməkdə olan bölmələrindən birində azot çəni partlayıb.