İnsan orqanizmi gözlə görünməyən, amma hər an baş verən milyonlarla bioloji, fizioloji və davranış proseslərinin vahid sistemidir. Bu möcüzəli sistemin bəzi incəlikləri isə, sadəcə tibbi məlumat olmaqla qalmır, gündəlik həyatımızın fonunda maraqlı hekayələrə çevrilir. Gəlin insan bədəninə aid bir neçə qeyri-adi, lakin elmə əsaslanan faktlara birlikdə nəzər salaq.

Mütəxəssislərin açıqladığı statistik məlumatlar insan orqanizminin imkanlarını və bəşəriyyətin tarixi inkişafını diqqətə çatdırır. Araşdırmalara görə, hər 20 uşaqdan yalnız biri həkimin müəyyən etdiyi gündə dünyaya gəlir. Yəni, əksər doğumlar proqnozlaşdırılan tarixdən fərqli baş verir. Bu fakt həkimlərin dəfələrlə vurğuladığı kimi, doğuş prosesinin tam olaraq nəzarətdə olmayan bioloji mexanizm olduğunu göstərir.