İsrailin "Kanal 7" televiziyasının verdiyi məlumata görə, ölkənin daxili təhlükəsizlik xidməti olan Şabak (Şin Bet) və İsrail Polisi İranın xeyrinə fəaliyyət göstərməkdə şübhəli bilinən casus şəbəkəsi ilə bağlı genişmiqyaslı təhqiqat aparır.

Məscidül-Əqsanın xatibi və Qüds Ali İslam Heyətinin sədri Şeyx İkrima Səbri İsrailin məscidi bağlı saxlamasının ağır fəsadları barədə xəbərdarlıq edib. Şeyx Səbri yüz minlərlə müsəlmanın Ramazan ayı və Ramazan bayramı müddətində ibadətdən məhrum edilməsindən sonra cümə namazlarının qadağan edilməsinin qəbulolunmaz olduğunu bildirib. O, müsəlmanların ibadət hüququnun əlindən alınmasının beynəlxalq din azadlığı prinsiplərinə zidd olduğunu vurğulayıb.

İsrailin kəşfiyyat xidməti MOSSAD Livan ərazisində gizli əməliyyat həyata keçirərək Ron Aradın taleyi ilə əlaqəli məlumatlara malik olduğu ehtimal edilən şəxsi qaçırıb. İsrail kəşfiyyatına məxsus agentlər keçmiş ümumi təhlükəsizlik zabiti Əhməd Şükrü gizli əməliyyat çərçivəsində saxlayaraq naməlum istiqamətə aparıblar.