Suriyanın Daxili İşlər Nazirliyi ölkənin sabitliyini pozmağa yönəlmiş genişmiqyaslı terror planının qarşısının alındığını və Livanda təlim keçərək ölkəyə sızan “Hizbullah”la əlaqəli bir hüceyrənin zərərsizləşdirildiyini bəyan edib.
#Hələb
BMT-nin Baş katibi Antonio Quterreşin təqdim etdiyi və Təşkilatın Terrorla Mübarizə Ofisi tərəfindən hazırlanmış hesabatda bildirilir ki, Suriyanın Prezidenti Əhməd əş-Şəraa, daxili işlər naziri Ənəs Həsən Xəttab və xarici işlər naziri Əsəd əş-Şeybani terrorçu İŞİD qruplaşması ilə əlaqələndirilən struktur tərəfindən hədəf seçilib.
Nurəddin Mahmud Zəngi 11 fevral 1118-ci ildə (17 Şəvval 511) Hələbdə anadan olmuşdur. Hüsn xətti, çox mütaliə etməsi, hədisləri əzbərləyib rəvayət etməsi və fiqh elmindəki dərinliyi onun mükəmməl təhsil aldığını göstərir. Gənclik illərində hərbi sahədə fərqləndiyi və atası İmadəddin Zənginin yanında vaxtaşırı döyüşlərdə iştirak etdiyi məlumdur.
Suriya hökuməti ordu ilə YPG/SDQ silahlı qruplaşması arasında baş vermiş toqquşmalardan sonra üç şəhərdə tətbiq olunan fövqəladə vəziyyətin başa çatdığını açıqlayıb. Suriya Səhiyyə Nazirliyinin yaydığı məlumata əsasən, Hələb, Deyr əz-Zor və Rakka şəhərlərində elan edilmiş fövqəladə vəziyyət rejimi ləğv olunub. Bildirilib ki, Suriya ordusunun həyata keçirdiyi əməliyyatlardan sonra təhlükəsizlik vəziyyəti stabilləşib və şəhərlərdə həyat tədricən normallaşır.
Türkiyə Xarici işlər naziri Hakan Fidan bu gün Suriya Xarici İşlər naziri Əsəd Həsən əş-Şeybani ilə telefon danışığı aparıb. Danışıq zamanı Hələb şəhərində baş verən son hadisələr müzakirə edilib. Türkiyə XİN-in mənbələrindən verilən məlumata görə, Hakan Fidan Suriya Xarici İşlər naziri Əsəd Həsən əş-Şeybani ilə telefon əlaqəsi saxlayıb. Görüşdə Hələbdə yaşanan son hadisələr diqqət mərkəzində olub.
Suriya Prezidenti Əhməd əş-Şəraa Hələbin Bəşşar Әsəd rejimindən azad edilməsinin birinci ildönümü münasibətilə şəhərdə keçirilən tədbirlərdə iştirak edib. Hələb 2011-ci ildə rejimə qarşı ayağa qalxan ilk Suriya şəhəri olmuşdu və ardınca digər bölgələr də etirazlara qoşulmuşdu. Bir il əvvəl — 29 noyabrda — Şəraa rəhbərliyindəki ittifaq qüvvələri Hələbi nəzarətə götürərək Suriyanın ikinci böyük şəhərində tam hakimiyyət qurmuşdu.
Bugün baş verən hadisələrin xronoloji xülasəsini təqdim edirik
Suriya tarixində ilk dəfə olaraq Türkmənlər azad və ədalətli seçkilərdə üç millət vəkili ilə parlamentdə təmsil olunmağa nail olublar. Uzun illər rejimin nəzarətində keçirilən, müxalifətə yer verilməyən seçkilərin əksinə olaraq bu dəfə xalqın həqiqi iradəsi sandığa əks olunub.
Suriyanın şimalında, Hələb şəhərinin Əşrəfiyyə məhəlləsində naməlum səbəbdən güclü partlayış baş verib. Partlayış terrorçu PKK/YPG-nin nəzarətində olan Əşrəfiyyə məhəlləsindəki bir parkda qeydə alınıb. Hadisənin səbəbi hələlik müəyyən edilməyib, rəsmi açıqlama isə verilməyib.
Nəsiminin Hələbdəki məzarı Türkmən kimliyinin simvoludur. O Nəsiminin Hələbdəki məzarının təkcə bir şəxsin qəbri olmadığını, həm də ortaq Türk-İslam mədəniyyətinin və türkmən kimliyinin canlı bir simvolu olduğunu vurğulayıb. “Harada bir məzar daşımız varsa, orası bizim torpağımızdır. Nəsiminin Hələbdəki məzarı bizə miras və əmanət kimi qalıb. Oradakı insanlar da bu əmanətə sahib çıxır və hər zaman da çıxacaqlar.” - deyə Muxtar Fatih Beydili qeyd edib. Beydili qeyd edir ki, Nəsimi yalnız Azərbaycan ədəbiyyatının deyil, bütövlükdə Türk-İslam dünyasının ortaq dəyərlərindən biridir və onun məzarı Suriyadakı türkmənlər üçün kimlik və mənsubiyyətin konkret bir təcəssümüdür.
Tarix yalnız yazılı mətnlərdən ibarət deyil; o, həm də məzar daşlarında, abidələrdə, müqəddəs məkanlarda və mədəni yaddaşı yaşadan simvollarda mövcudluğunu qoruyur. İmadəddin Nəsiminin Hələbdəki məzarı bu baxımdan Suriya Hələb türkmənləri üçün kimlik nişanı, Azərbaycan üçün isə milli yaddaşın qlobal miqyasda təmsilidir. Onun dəfn olunduğu məkan yalnız bir şəxsiyyətin qəbri deyil; həm də ortaq Türk-İslam sivilizasiyasının möhürü, Suriya və Azərbaycan üçün tarixi mənsubiyyətin simvoludur.
Nazirliyin məlumatına görə, hadisə yerli vaxtla saat 02:35 radələrində baş verib. Sızma cəhdinə cavab olaraq Suriya ordusu atəşin açıldığı mövqeləri hədəfə alıb və hücum edənləri geri çəkilməyə məcbur edib. Nazirlik bildirib ki, bu hadisə PKK/YPG-nin (SDQ) Mənbic və Deyr Hafir bölgələrində ordu mövqelərinə hücumları, eləcə də Hələbdəki bəzi nəzarət-buraxılış məntəqələrindən mülki yolları bağlama cəhdləri ilə eyni vaxtda baş verib.