İstanbul mərkəzli olmaqla 13 vilayətdə qanunsuz mərc oyunları təşkil edən şəbəkəyə qarşı keçirilən əməliyyat nəticəsində 24 şübhəli saxlanılıb. İstintaq materiallarına görə, saxlanılan şəxslər 2023-2025-ci illər ərzində qanunsuz mərc saytları vasitəsilə 1 milyard 200 milyon türk lirəsi (təxminən 62 milyon manat) məbləğində haqsız qazanc əldə ediblər.

İstanbul Polis İdarəsinin Kiber Cinayətlərlə Mübarizə Şöbəsi, İstanbul Respublika Baş Prokurorluğunun koordinasiyası ilə qanunsuz mərc fəaliyyətlərinə qarşı növbəti uğurlu əməliyyatını keçirib. Araşdırmalar zamanı MASAK və Mərkəzi Bankın hesabatlarında yer alan şübhəli maliyyə hərəkətləri əsas götürülüb. Məlum olub ki, bir şirkət elektron ödəniş qurumlarından əldə etdiyi POS cihazlarını müxtəlif alt firmalara ötürərək, bu avadanlıqlar vasitəsilə qanunsuz mərc oyunlarından gələn vəsaitlərin dövriyyəsini təmin edib.

Türkiyənin Batman şəhəri mərkəz olmaqla 10 müxtəlif vilayətdə keçirilən genişmiqyaslı əməliyyat nəticəsində qanunsuz mərc oyunları təşkil edən böyük şəbəkə çökdürülüb. Batman Respublika Baş Prokurorluğunun kordinasiyası ilə həyata keçirilən təhqiqatlar zamanı məlum olub ki, cinayətkar qruplaşma virtual qumar saytlarından əldə edilən "çirkli pulları" müxtəlif bank hesablarına, oradan isə iz itirmək məqsədilə kripto pul hesablarına köçürərək yuyub.

Antalya Respublika Baş Prokurorluğunun koordinasiyası ilə Polis İdarəsinin Kiber Cinayətlərlə Mübarizə Şöbəsinin qrupları qanunsuz mərc şəbəkəsinə qarşı genişmiqyaslı əməliyyata başlayıb. Texniki və fiziki izləmələr nəticəsində şəhərdə qanunsuz mərc oyunlarının təşkil edildiyi 3 fərqli ofis aşkar edilib. Şübhəlilərin bank hesablarını araşdıran mütəxəssislər, bu şəbəkə üzərindən ümumilikdə 3 milyard 400 milyon türk lirəsi dəyərində pul dövriyyəsinin həyata keçirildiyini müəyyən ediblər.

Futbolda qanunsuz mərc və oyun alqı-satqısı iddiaları üzrə aparılan istintaq çərçivəsində klub funksionerləri də daxil olmaqla 31 şübhəli saxlanılıb. İstanbul Şəhər Polis İdarəsinin Mali Cinayətlərlə Mübarizə Şöbəsi İstanbul Respublika Baş Prokurorluğunun koordinasiyası ilə qanuni mərc platformalarında şübhəli kuponlarla bağlı araşdırma aparıb.

İstanbul Respublika Baş Prokurorluğu tərəfindən "futbolda mərc" və "danışılmış oyunlar" iddiaları ilə bağlı 5-i həbsdə olan 52 şübhəli barəsində ittihamnamə hazırlanıb. Baş Prokurorluq tərəfindən aparılan istintaq yekunlaşıb. Hazırlanmış ittihamnamədə "Zonguldakspor Futbol Klubu AŞ" cinayətdən zərərçəkmiş tərəf, "Ankaraspor" və "Nazillispor" isə "maddi məsuliyyət daşıyan" tərəflər kimi yer alıb.

Futbolda mərclik araşdırmaları çərçivəsində, sabiq hakim və şərhçi Ahmet Çakar da daxil olmaqla çox sayda futbolçu və klub rəhbəri saxlanılıb. İstanbul Cumhuriyyət Baş Prokurorluğu, ictimaiyyətdə “Futbolda Mərclik Araşdırmaları” kimi tanınan araşdırma çərçivəsində həyata keçirilən yeni əməliyyatla bağlı açıqlama yayıb. Prokurorluğun yazılı açıqlamasında qeyd olunub ki, əməliyyat Maliyyə Cinayətlərini Araşdırma İdarəsi (MASAK) məlumatları, qanuni mərclik saytlarından əldə olunan məlumatlar, açıq mənbə araşdırmaları və Peşəkar Futbol Disiplin Qurulu (PFDK)-nın 13 noyabr 2025-ci il tarixli iclasında cəza almış 101 futbolçuya dair analizlər əsasında həyata keçirilib.

Sərəncamda qeyd olunur ki, ailə bağlarını zədələyən, sosial münasibətləri zəiflədən və xüsusilə gəncləri hədəf alan qanunsuz mərc və qumar fəaliyyəti həm cəmiyyət üçün mənfi nəticələr doğurur, həm də qeyri-rəsmi iqtisadiyyatın genişlənməsinə və cinayət yolu ilə əldə edilən gəlirlərin leqallaşdırılmasına şərait yaradaraq ictimai təhlükəsizlik baxımından ciddi təhdid yaradır.

Araşdırmalar zamanı müəyyən edilib ki, saxlanılan şəxslər qanunsuz mərc və qumar oyunları təşkil edərək bu fəaliyyətlərə dair internet saytlarında pul köçürmələrinə vasitəçilik edib, həmin saytların reklamını aparıblar. İstintaq materiallarına əsasən, bəzi şəxslərin vətəndaşların mobil bank xidmətlərinə müdaxilə edərək qanunsuz qazanc əldə etdiyi müəyyən olunub. Əməliyyat nəticəsində çoxlu sayda rəqəmsal material da ələ keçirilib.

Türkiyə Daxili İşlər naziri Ali Yerlikaya, 21 şəhərdə qanunsuz mərc fəaliyyətlərinə qarşı aparılan əməliyyatlarda 43 şübhəlinin yaxalandığını açıqlayıb. İlkin araşdırmalara əsasən, saxlanılan şəxslərin internet saytları vasitəsilə qanunsuz mərc oyunları təşkil etdiyi, qeyri-qanuni pul köçürmələrinə vasitəçilik etdiyi məlum olub.

Daxili işlər naziri Ali Yerlikaya jandarma tərəfindən “qanunsuz mərc oyunları və ağır fırıldaqçılıq” cinayətlərinə qarşı aparılan əməliyyatlarda 2 milyard türk lirəsi əməliyyat həcmi ilə 34 şübhəlinin tutulduğunu açıqlayıb. Onlardan 29-u həbs edilib, 5-i barəsində isə məhkəmə nəzarəti tədbiri tətbiq olunub. Nazirin sözlərinə görə, şübhəlilərin sosial şəbəkələrdə saxta “motosiklet, televizor, konteyner” elanları ilə vətəndaşları aldatdıqları, qanunsuz mərc oyunlarına şərait yaratdıqları, internet üzərindən pul köçürmələrinə imkan verdikləri və “kriptovalyuta ilə gəlir” vədləri ilə dələduzluq etdikləri müəyyən edilib. Əməliyyatlar Uşak, İzmir, Qaziantep, Kayseri, Yozgat, Şanlıurfa ilə yanaşı, Hatay, Adana, Ankara, Antalya, İstanbul, Bitlis, Nevşehir, Sakarya, Mersin və Bartın vilayətlərində keçirilib.