Filmoskop rubrikasında bu dəfə kino tarixinin ən ikonik kosmik ovçusunun yeni qayıdışını — "Predator: Badlands" (Yırtıcı: Bədxah torpaqlar) filmini linza altına alırıq. "Prey" filminin böyük uğurundan sonra rejissor Den Traxtenberq bizə Yırtıcı eposunun tamamilə yeni, fərqli bir dövrünü və daha texnoloji bir atmosferini təqdim edir.

Biznesdə qalib gəlmək təkcə qazanmaq deyil, münasibətləri qorumağı bacarmaqdır. Müasir biznes mühitində mübahisələr qaçılmazdır. Tərəfdaşlar, şirkətlər və ya investorlar arasında yaranan fikir ayrılıqları bəzən uzunmüddətli və ciddi problemlərə səbəb ola bilər. Belə hallarda ənənəvi məhkəmə yolları ilə yanaşı, daha çevik və effektiv mexanizmlərə ehtiyac yaranır.

Xalq artisti Rasim Balayevin nəşi bu gün gecə Vətənə gətiriləcək. Rasim Balayevlə vida mərasimi sabah, 30 mart tarixində, 12.00-13.30 Azərbaycan Dövlət Akademik Milli Dram Teatrınında baş tutacaq.

Əvvəllər bir çox insan Tesla loqosunu arxasında yatan dərin mənanı dərk etmədən, sadəcə dəbli bir "T" simvolu kimi qəbul edirdi. İnternetdə bu simvolun mənası ilə bağlı bəzi maraqlı fərziyyələr, o cümlədən formasına görə onun pişik burnundan ilhamlandığını iddia edənlər də var idi. Tesla-nın baş icraçı direktoru İlon Maskın (Elon Musk) X (keçmiş Twitter) platformasında verdiyi zarafatyana cavab bu versiyanı tam təkzib etməsə də, "T" simvolunun əsl mənası tamamilə fərqlidir.

Rejissor Liviu Varqasın "Serra das Almas" filmi, tamaşaçını Braziliyanın ucqar və sirli təbiətinin qoynuna, insanların öz keçmişləri ilə üz-üzə qaldığı bir məkana aparır. Bu ekran işi sadə bir dram deyil, həm də insanın daxili aləminə, itkilərinə və qorxularına tutulmuş bir aynadır.

Martın 28-də “Yer saatı” beynəlxalq kampaniyasının Azərbaycan üzrə rəsmi əlaqələndiricisi olan IDEA İctimai Birliyinin və Ümumdünya Təbiəti Mühafizə Fondunun (WWF) birgə təşkilatçılığı ilə “Yer saatı 2026” (Earth Hour 2026) beynəlxalq kampaniyasına həsr olunmuş kütləvi aksiya keçirilib. Kampaniyaya qoşulan 80-ə yaxın qurum və təşkilat yerli vaxtla saat 20:30-dan başlayaraq inzibati binalarının fasad işıqlarını bir saatlıq söndürüblər. Bununla yanaşı, ölkəmizin müxtəlif şəhər və rayonlarında yaşayan yüzlərlə gənc də fərdi olaraq bu aksiyaya qoşulmaqla, ətraf mühitin mühafizəsi istiqamətində həmrəylik nümayiş etdirib.

Bu gün İstanbulda müalicə aldığı xəstəxanada vəfat edən Xalq artisti Rasim Balayevin cənazəsinin Vətənə göndərilməsi üçün Azərbaycan dövləti tərəfindən lazımi bütün prosedurlara başlanılıb. Qeyd edilib ki, Türkiyədə lazımi prosedurlar həyata keçirildikdən sonra cənazə Vətənə yola salınacaq. Səfirlik və Azərbaycanın İstanbuldakı baş konsulluğu tərəfindən Rasim Balayevin ailəsi ilə mütəmadi olaraq əlaqə saxlanılır, bütün lazımi dəstək göstərilir.

Azərbaycan mədəniyyətinə ağır itki üz verib. Görkəmli kino aktyoru, Azərbaycan Kinematoqrafçılar İttifaqı İdarə Heyətinin sədri, Dövlət Mükafatı laureatı, Prezidentin fərdi təqaüdçüsü, Xalq artisti Rasim Balayev 29 mart 2026-cı il tarixində, ömrünün 77-ci ilində müalicə olunduğu Türkiyənin İstanbul şəhərində vəfat edib.

“AnewZ” televiziya kanalında və AzTV-də Dövlət Təhlükəsizliyi Xidməti ilə “AnewZ” televiziya kanalının birgə layihəsi olan “Yolun yarısında” adlı sənədli film nümayiş etdirilib. Xarici ölkələrdə azərbaycanlılar niyə saxlanılıb? Qanunsuz miqrasiyanın təşkilində iştirak edən kimlərdir? “Yolun yarısında” adlı sənədli filmdə bu suallara aydınlıq gətirilir.

Bakıda və Abşeron yarımadasında, eyni zamanda əksər bölgələrdə intensiv xarakterli yağış, dağlıq ərazilərdə isə qar yağır. Hazırda Bakıda və Abşeron yarımadasında yağan yağıntının miqdarı 133 mm-ə çatıb. Bu da aylıq normanın 564 %-ni təşkil edir.

Fövqəladə Hallar Nazirliyinin qüvvələri tərəfindən intensiv yağışlarla əlaqədar su basmış ərazilərdə müvafiq təhlükəsizik tədbirlərinin görülməsi işləri fasiləsiz olaraq davam etdirilir.

Yeni qanuna əsasən, hərbi xidmətin şəraitindən, ixtisasdan, hərbi peşədən, hərbi rütbədən və hərbi xidmətdə olmağın müddətindən asılı olaraq hərbi qulluqçuların dövlət hesabına təminat xərcliyi (müvafiq icra hakimiyyəti orqanının rəhbəri və onun müavinləri, Azərbaycan dövlətinin başçısının fəaliyyətini bilavasitə təmin edən digər orqanın rəhbəri, müavini və əməkdaşları, habelə müvafiq icra hakimiyyəti orqanında hərbi xidmət vəzifəsində qulluq keçən dövlət qulluqçularına münasibətdə isə yalnız aylıq vəzifə və rütbə maaşı) almaq hüququ var.