Close Menu
    Cəmiyyət

    Bakı–Naxçıvan avtobus reysləri müvəqqəti dayandırıldı

    Bakı–Naxçıvan avtobus reysləri müvəqqəti dayandırıldı
    Bizi buradan izləyin və Bizə yazın

    BAKI, VOA

    Yaxın Şərqdə baş verən son hadisələr fonunda təhlükəsizlik tədbirləri gücləndirilib. İran ərazisindən keçən sərnişin reysləri təxirə salınıb.

    VOA xəbər verir ki, təhlükəsizlik məqsədilə İran İslam Respublikasının ərazisindən keçməklə həyata keçirilən Bakı–Naxçıvan–Bakı avtobus reyslərinin fəaliyyəti müvəqqəti dayandırılıb.

    Fevralın 28-də Bakıdan Naxçıvana olan 19:00 və 20:00 reysləri, Bakıdan Şərura olan 21:00 reysi, Naxçıvandan Bakıya olan 15:30, 16:30 və 17:30 reysləri, eləcə də Şərurdan Bakıya olan 16:30 reysi müvəqqəti təxirə salınır.

    Bildirilib ki, reyslərin bərpası ilə bağlı əlavə məlumat ictimaiyyətə təqdim olunacaq. Əlavə suallar yarandığı halda sərnişinlər Azərbaycan Yerüstü Nəqliyyat Agentliyinin “141” Çağrı Mərkəzi ilə əlaqə saxlaya bilərlər.

    Eyni zamanda qeyd olunub ki, yük nəqliyyat vasitələrinin İran–Azərbaycan sərhədindən keçməsi ilə bağlı hər hansı problem müşahidə edilmir və məhdudiyyət tətbiq olunmayıb. Daşıyıcılarla mütəmadi əlaqə saxlanılır və vəziyyət nəzarət altındadır.

    Oxşar Xəbərər

    © 2026 Azervoice.