BAKI,AzerVoice
Əmək və Əhalinin Sosial Müdafiəsi Nazirliyi tərəfindən şəhid ailələrinə və müharibə ilə əlaqədar əlilliyi olan şəxslərə daha 115 mənzil verilib.
AzerVoice xəbər verir ki, Mənzillər Bakı və Naftalan şəhərlərində, Abşeron, Sabirabad, Oğuz, Qax, Lənkəran, Astara, Zərdab, Ağcabədi, Göyçay, Ağdaş, Qazax, Yevlax və Kürdəmir rayonlarında yeni yaşayış binalarından təqdim edilib.
Bakıda 4 saylı DOST Mərkəzində mənzillərin sənədlərinin təqdim edilməsi tədbirində əmək və əhalinin sosial müdafiəsi nazirinin müavini Hidayət Abdullayev həssas əhali qruplarına aid vətəndaşlarla bağlı həyata keçirilən sosial müdafiə tədbirlərini diqqətə çatdırıb.
Bildirilib ki, Prezident cənab İlham Əliyevin şəhid ailələri və müharibə ilə əlaqədar əlilliyi olan şəxslərə xüsusi qayğısı nəticəsində həmin kateqoriyalardan olan vətəndaşların sosial müdafiəsinin gücləndirilməsi istiqamətində mühüm addımlar atılır. Möhtəşəm Zəfər əldə etdiyimiz Vətən müharibəsindən sonra dövlətimizin başçısının göstərişi ilə şəhid ailələri və müharibə ilə əlaqədar əlilliyi olan şəxslərin mənzillə təminatı proqramı 5 dəfə genişlənib.
Postmüharibə dövründə bu kateqoriyalardan olan vətəndaşlara 7 mindən çox, ümumilikdə ötən dövrdə 16 minədək mənzil və fərdi ev təqdim olunub. Eyni zamanda, qeyd edilən dövrdə şəhid ailələri və müharibə ilə əlaqədar əlilliyi olan şəxslərin müavinət və təqaüdləri də orta hesabla 2 dəfədən çox artırılıb.
Yeni mənzillərlə təmin olunan şəhid ailələrinin üzvləri və müharibə ilə əlaqədar əlilliyi olan şəxslər onlara göstərilən xüsusi diqqət və qayğıya, bu gün, bayram ərəfəsində yeni mənzillərlə təmin edildiklərinə görə Prezident cənab İlham Əliyevə dərin minnətdarlıqlarını bildiriblər.
Şəhid ailələri və müharibə əlillərinə daha 115 mənzil verildi
Əmək və Əhalinin Sosial Müdafiəsi Nazirliyi, şəhid ailələrinə mənzil, müharibə ilə əlaqədar əlilliyi olan şəxslər, sosial müdafiə tədbirləri Azərbaycan, dövlət mənzil təminatı proqramı, Prezident İlham Əliyev sosial siyasət, postmüharibə dövrü sosial dəstək, DOST Mərkəzi Bakı, şəhid ailələri üçün sosial təminat, müharibə əlilləri üçün mənzillər, Qarabağ müharibəsi sonrası dəstək, sosial müavinətlər və təqaüdlər, dövlət qayğısı, həssas əhali qrupları, Azərbaycanda sosial islahatlar.
