BAKI, AzerVoice

Sərnişindaşıma

2025-ci ildə Bakı şəhərində müntəzəm marşrut xətti ilə 494 milyondan çox sərnişin daşınıb. Şəhərdaxili (rayondaxili) sərnişindaşıma fəaliyyəti üçün 837, şəhərlərarası sərnişindaşıma fəaliyyəti üçün isə 66 yeni avtobus cəlb edilib. Həmçinin şəhərlərarası daşımalar üzrə 19 yeni müntəzəm marşrut xətti təşkil edilib. 10 marşrut xəttində hərəkət sxemi dəyişdirilib, 3 yeni marşrut xətti təşkil edilib.

Bu günədək Bakı şəhərinin 40 küçə və prospektində ümumi uzunluğu 114 km-dən çox olan avtobus zolaqları təşkil edilib. Bu zolaqlar vasitəsilə gün ərzində 1 milyona yaxın sərnişin daşınır. Sumqayıt, Saray və Xırdalandan paytaxt istiqamətində gündəlik sərnişin axınının həcmi 49 min nəfər artıb.

Sərnişindaşımada rəqəmsallaşma

Ölkəmizdə ilk dəfə olaraq “AYNA MaaS” tətbiqi istifadəyə verilib. Platforma istifadəçiyə bir tətbiq vasitəsilə müxtəlif nəqliyyat növləri arasından ən uyğun marşrutu seçməyə, səfər planlamasını həyata keçirməyə, ödəniş üsulları, real vaxt rejimində qrafik və nəqliyyatın gəlmə vaxtı barədə məlumat əldə etməyə imkan verir.

“Yolumuz Qarabağa” portalının funksionallığı artırılıb.

2025-ci ildə 800 000-dən çox sərnişin “biletim.az” portalını seçərək müxtəlif istiqamətlərdə səfər edib. 2024-cü illə müqayisədə “Biletim.az” üzərindən 350 000-dən çox bilet satılıb.

“Biletim.az” portalı üzərindən bilet əldə edərək Qarabağ bölgəsinə səfər edən sərnişinlərin sayı 48 000-ni üstələyib. Bu, ötən illə müqayisədə 36 000 bilet çoxdur.

Mikromobillik

AYNA tərəfindən indiyədək 43 küçə və prospekt üzrə 47 km mikromobillik yolu çəkilib. Mikromobillik vasitələrinin sifarişi sayı 3 milyon 500 mindən çox olub. Mikromobillik vasitələri ilə 10 milyon km-dən çox məsafə qət edilib.
Skuterlər üçün 650, velosipedlər üçün isə 466 parklanma məntəqəsi təşkil edilib.

Yükdaşıma

Yükdaşıma üzrə buraxılış vəsiqəsi üçün müraciətlərin sayı 1347, buraxılış kartları üçün müraciətlərin sayı 5680, ölkədaxili qeyri-müntəzəm (sifariş) sərnişindaşıma üzrə buraxılış vəsiqəsi üçün müraciətlərin sayı 855, buraxılış kartları üçün müraciətlərin sayı isə 1440 təşkil edib. Beynəlxalq yük daşımalarında 14 000-dən çox nəqliyyat vasitəsi iştirak edib.

Yol nişanları və nişanlanma işləri

Bu il ərzində Bakı şəhərinin 495 küçə və prospektlərdə 11 500-dən çox yol nişanı quraşdırılıb. 602 küçə və prospektdə üfüqi yol nişanlanması işləri aparılıb. 456 küçə və prospekt üzrə 2460 piyada keçidi, həmçinin 280 təhsil müəssisəsinin ətraf ərazisində 372 piyada zolağı bərpa edilib. Ölkə üzrə ümumilikdə 32 000 nişan quraşdırılıb.