BAKI,AzerVoice

Biz beynəlxalq ictimaiyyəti Azərbaycanın minalardan təmizləmə səylərini dəstəkləməyə çağırırıq.

AzerVoice xəbər verir ki, bu barədə Azərbaycan Respublikasının Xarici İşlər Nazirliyinin "X" sosial şəbəkəsindəki paylaşımında deyilir.

"4 aprel – Beynəlxalq Mina Xəbərdarlığı və Minatəmizləmə Fəaliyyətinə Yardım Günündə biz Azərbaycanın işğaldan azad edilmiş ərazilərində minaların yaratdığı ciddi təhlükəni bir daha vurğulayırıq.

Ermənistanın onilliklər boyu davam edən işğalı və minalardan məqsədyönlü istifadə etməsi nəticəsində 2020-ci ildən indiyədək 388 Azərbaycan vətəndaşı həlak olub və ya yaralanıb. İşğaldan azad edilmiş əraziləri çirkləndirən minalar mülki əhalinin həyatına təhlükə yaratmaqda, keçmiş məcburi köçkünlərin geri qayıtmasına və yenidənqurma işlərinə mane olmaqda davam edir", - deyə paylaşımda bildirilir.

Qeyd edilir ki, minalarla mübarizə gözləyə bilməz.

"Biz beynəlxalq ictimaiyyəti Azərbaycanın minalardan təmizləmə səylərini dəstəkləməyə və Ermənistanı beynəlxalq humanitar hüququ pozduğuna görə məsuliyyətə cəlb etməyə çağırırıq.

Azərbaycan öz xalqının minasız, təhlükəsiz və firavan gələcəyini təmin etmək üçün sadiq və əzmkar olaraq qalır", - paylaşımda deylir.