BAKI, AzerVoice

BMT Qəzzada yardım növbəsinə edilən hücuma görə müstəqil araşdırma tələb edir.

AzerVoice xəbər verir ki, Birləşmiş Millətlər Təşkilatı (BMT) Qəzzada yardım almaq üçün növbəyə duran mülki şəxslərə qarşı silahlı hücumla bağlı müstəqil və şəffaf araşdırma çağırışı edib.

Hadisə nəticəsində onlarla insan həyatını itirib, çox sayda yaralı var.

Hadisə Rəfah şəhərində yardım paylama məntəqəsinin yaxınlığında baş verib. Şahidlər İsrail əsgərlərinin yardım almağa gəlmiş fələstinlilərə atəş açdığını bildiriblər. Fələstin Səhiyyə Nazirliyi və yerli humanitar təşkilatlar hücum nəticəsində azı 31 nəfərin həlak olduğunu, 179 nəfərin isə yaralandığını açıqlayıb.

Qurbanların əksəriyyətinin yardım gözləyən qadın, uşaq və yaşlılardan ibarət olduğu bildirilir. Sərhədsiz Həkimlər (MSF) ağır yaralıların güllə və qəlpə izləri ilə xəstəxanalara gətirildiyini bəyan edib.

BMT-nin baş katibi Antonio Quterreş hadisəni “dəhşətli” adlandıraraq, mülki şəxslərin yardım almağa çalışarkən öldürülməsi ilə bağlı beynəlxalq müstəqil araşdırma tələb edib. BMT-nin İnsan Haqları üzrə Ali Komissarı Volker Türk isə hadisəni “qeyri-insani” bir durum kimi qiymətləndirib.

İsrail ordusu isə hadisə ilə bağlı yayılan məlumatları “əsassız” adlandıraraq, hücumu təkzib edib. Lakin bölgədəki humanitar təşkilatlar sistemli və mülki əhalini hədəf alan hücumun baş verdiyini bildirirlər.

Bundan əlavə, İsrail ordusunun Qəzza zolağının şimalında yerləşən Cibaliya bölgəsinə endirdiyi hava zərbəsi nəticəsində biri ev olmaqla 14 nəfər həyatını itirib. Ölənlər arasında 6 uşaq və 3 qadın olduğu, dağıntılar altında azı 20 nəfərin axtarışının davam etdiyi bildirilir.

Qeyd edək ki, oktyabrın 7-dən bu yana Qəzzaya qarşı davam edən hərbi əməliyyatlarda ən azı 54 470 fələstinli həlak olub. BMT-nin məlumatına görə, bölgədə əhalinin əksəriyyəti yoxsulluq içində yaşayır və humanitar yardım almaq üçün həyati riskə gedir.