Bakı,,AzerVoice

HƏMAS İsraillə Qəzzada atəşkəs və əsir mübadiləsi razılaşmasının ikinci mərhələsinə keçməyə hazır olduğuna dair yazılı bəyanat yayıb.

AzerVoice xəbər verir ki, bəyanatda HƏMAS-ın daimi atəşkəsi təmin etməyə və İsrailin tamamilə geri çəkilməsini tələb etməyə davam edəcəyi vurğulanıb.

Belə ki, HƏMAS İsrailli əsirlərə dini və insani dəyərlərə uyğun davrandığını bildirir, Fələstinli məhbusların isə İsrail həbsxanalarında işgəncələrə məruz qaldığı qeyd olunur.

HƏMAS, İsrailin atəşkəs şərtlərinə əməl etməkdə gecikdiyini və dəfələrlə razılaşmanı pozduğunu bəyan edib. Buna baxmayaraq, HƏMAS altı israilli məhbusun təhvil verilməsi ilə sazişə sadiqliyini təsdiqləyib.

"Biz atəşkəs razılaşmasının şərtlərinə sadiqik" – bəyanatda vurğulanıb.

HƏMAS bəyan edib ki, Fələstin xalqı ilə müqavimət arasındakı birlik möhkəmdir və əsirlərin azad olunmasını müşayiət edən milli dəstək bunun göstəricisidir.

Bəyanatda İsrailin iki yol arasında seçim etməli olduğu bildirilib: məhbuslarını tabutda geri qaytarmaq (müharibəni davam etdirmək) və məhbuslarla sağ-salamat görüşmək (atəşkəs və razılaşmaya əməl etmək).

Son olaraq, HƏMAS bəyan edib ki, Qəzzadakı müqavimət sona qədər davam edəcək və Fələstin azad olunana qədər torpaqlarını müdafiə edəcək.