BAKI,AzerVoice
Özbəkistan Ali Məclisinin Senat sədri Tanzila Norboyeva Rusiya Federasiyasının Özbəkistandakı fövqəladə və səlahiyyətli səfiri Oleg Malginov ilə görüşüb.
AzerVoice xəbər verir ki, görüşdə Özbəkistan və Rusiya arasında çoxşaxəli strateji münasibətlərin inkişaf perspektivləri, eləcə də ikitərəfli əməkdaşlığın möhkəmləndirilməsində mühüm rol oynayan parlamentlərarası əlaqələrin aktivləşdirilməsi məsələləri müzakirə olunub.
Özbəkistanda keçiriləcək Parlamentlərarası İttifaqın 150-ci yubiley assambleyasına hazırlıq çərçivəsində iki ölkənin parlamentləri arasında əməkdaşlığın dərinləşdirilməsi və genişləndirilməsi məsələləri müzakirə edilib.
Malginov Parlamentlərarası İttifaqın yubiley assambleyasında Rusiya nümayəndə heyətinin iştirak edəcəyini qeyd edərək, bunun Özbəkistan və Rusiya arasında strateji tərəfdaşlığın möhkəmləndiyini göstərdiyini xüsusi vurğulayıb.
Görüşün sonunda iki ölkə xalqlarının maraqları naminə konstruktiv və qarşılıqlı faydalı əməkdaşlığın davam etdirilməsi barədə razılıq əldə olunub.