BAKI,VOA,Yusif Şərifzadə
Venesuelada baş verən dağıdıcı zəlzələlərdən sonra itkin düşənlərin sayı sürətlə artır.
VOA xəbər verir ki, hazırda ölkədə ən azı 11 min nəfərin itkin düşdüyü bildirilir. Məlumata görə, bu rəqəm sosial şəbəkələr üzərindən yaradılmış xüsusi müraciət sistemi vasitəsilə toplanan məlumatlar əsasında müəyyənləşdirilib.
Paytaxt Karakasda və digər zərər çəkmiş bölgələrdə axtarış-xilasetmə əməliyyatları davam edir. Yerli sakinlər zəlzələlər zamanı binaların uçduğunu, yollarda iri çatların yarandığını və insanların böyük təşviş yaşadığını bildirirlər.
Qeyd olunur ki, zəlzələlər uzunmüddətli istirahət günlərinə təsadüf etdiyindən hadisə zamanı çoxlu sayda insan evlərində olub.
Mütəxəssislər vurğulayırlar ki, 11 min nəfərlik göstərici yalnız internetə çıxışı olan və itkin yaxınları barədə məlumat verə bilən şəxslərin müraciətləri əsasında formalaşıb. Buna görə də real sayın daha yüksək ola biləcəyi istisna edilmir.