BAKI,VOA, Fərid Mikayılov
Bolqarıstan parlamenti Rumen Radev namizədliyini Baş nazir vəzifəsinə təsdiqləyib. Parlamentdə keçirilən səsvermədə onun lehinə 124 deputat səs verib.
VOA xəbər verir ki, parlament eyni zamanda yeni hökumətin tərkibini də təsdiqləyib.
Kabinetdə dörd vitse-premyer və 18 nazir yer alıb. Keçmiş texniki hökumətin rəhbəri Galab Donev maliyyə naziri və vitse-premyer təyin olunub.
Bildirilib ki, Bolqarıstanda aprelin 19-da keçirilən növbədənkənar parlament seçkilərində Radevın rəhbərlik etdiyi “Progressive Bulgaria” partiyası parlament çoxluğu qazanıb. Bu, ölkədə son beş ildə keçirilən səkkizinci seçki olub.
Qeyd olunur ki, keçmiş prezident olan Rumen Radev bu ilin əvvəlində dövlət başçısı postundan istefa verərək parlament seçkilərində iştirak etmişdi.