BAKI,VOA
ABŞ Mərkəzi Komandanlığı İranın strateji əhəmiyyətə malik Xark adasına genişmiqyaslı hava zərbəsi endirildiyini açıqlayıb.
VOA xəbər verir ki, əməliyyat İranın Xark adasındakı hərbi potensialını hədəf alıb.
Hücum çərçivəsində bölgədə yerləşən dəniz minalarının saxlanıldığı anbarlar, raket sığınacaqları və müxtəlif hərbi logistika məntəqələri vurulub.
ABŞ Mərkəzi Komandanlığının məlumatına görə, əməliyyat zamanı adada yerləşən neft istehsalı və neftin daşınması infrastrukturu hədəf alınmayıb.
Açıqlamada qeyd olunub ki, hücum nəticəsində Xark adasında 90-dan çox hərbi hədəf məhv edilib.