Close Menu
    Digər Dövlətlər

    HƏMAS girovların qaytarılmasında mühüm rol oynayıb - Tramp

    HƏMAS girovların qaytarılmasında mühüm rol oynayıb - Tramp
    Bizi buradan izləyin və Bizə yazın

    BAKI, AzerVoice, Orxan Qədirzadə

    Tramp eyni zamanda Venesuela, Federal Ehtiyat Sistemi, eləcə də Rusiya–Ukrayna müharibəsi ilə bağlı bir sıra diqqətçəkən açıqlamalar verib.

    AzerVoice xəbər verir ki, Donald Tramp Ağ Evdə Nazirlər Kabinetinin iclası zamanı çıxış edərək Qəzza zolağından girovların qaytarılması prosesinə toxunub. Onun sözlərinə görə, HƏMAS bu prosesdə böyük rol oynayıb və hazırkı mərhələdə silahsızlaşdırılması ehtimalı mövcuddur.

    Tramp eyni zamanda Venesuela, Federal Ehtiyat Sistemi, eləcə də Rusiya–Ukrayna müharibəsi ilə bağlı bir sıra diqqətçəkən açıqlamalar verib.

    İsrail ordusu isə bazar ertəsi günü Qəzza zolağında saxlanılan son girovun – israilli polis zabiti Ran Qviliyə məxsus cəsədin geri qaytarıldığını açıqlayıb. Bildirilib ki, bütün girovların – həm sağ, həm də həlak olanların qaytarılması Trampın Qəzza müharibəsinin dayandırılması planının birinci mərhələsində əsas bəndlərdən biridir. İsrailin baş naziri Benyamin Netanyahu da “son girovun” tapılmasını yüksək qiymətləndirib.

    Tramp çıxışında Venesuela ilə bağlı da yeni qərarları açıqlayıb. O, müvəqqəti prezident Delsi Rodrigeslə apardığı telefon danışığından sonra Venesuelanın hava məkanının açılmasına göstəriş verdiyini bildirib. ABŞ Prezidentinin sözlərinə görə, Amerika vətəndaşları yaxın vaxtlarda Venesuelaya təhlükəsiz şəkildə səfər edə biləcəklər və iri ABŞ neft şirkətləri bu ölkədə investisiya imkanlarını araşdıracaq.

    Bundan əlavə, Tramp ABŞ-ın Venesueladakı səfirliyinin yenidən açılması istiqamətində ilkin addımların atıldığını, keçmiş Venesuela prezidenti Nikolas Maduronun isə narkotik ticarəti və terrorçu şəbəkələrlə əməkdaşlıq ittihamı ilə ABŞ-da məhkəmə qarşısına çıxarılacağını bildirib.

    ABŞ Prezidenti Federal Ehtiyat Sisteminin sədri ilə bağlı məsələyə də toxunaraq, hazırkı sədr Cerom Pauelin səlahiyyət müddəti 2026-cı ilin mayında başa çatdıqdan sonra onun yerinə namizədi gələn həftə açıqlayacağını deyib. Tramp faiz dərəcələrinin hələ də yüksək olmasını tənqid edib.

    Tramp, həmçinin Rusiya Prezidenti Vladimir Putinlə razılaşaraq Ukraynanın Kiyev və digər şəhərlərinə qarşı hücumların bir həftəlik dayandırılmasına nail olduğunu bildirib. Onun sözlərinə görə, sərt qış şəraiti bu təşəbbüsün əsas səbəblərindən biridir. Lakin hücumların dəqiq nə vaxt dayandırılacağı açıqlanmayıb.

    Oxşar Xəbərər

    © 2026 Azervoice.