BAKI,AzerVoice, Fərid Mikayılov
Rusiya Prezidenti Vladimir Putin ilə Suriya Prezidenti Əhməd əş-Şəraanın Moskvada görüşəcəyi rəsmən açıqlanıb.
AzerVoice xəbər verir ki, liderlər sabah paytaxt Moskvada bir araya gələrək Yaxın Şərqdəki son prosesləri müzakirə edəcəklər.
Açıqlamaya əsasən, görüş zamanı regiondakı siyasi və təhlükəsizlik məsələləri ilə yanaşı, Rusiya ilə Suriya arasında ikitərəfli münasibətlərin də gündəmdə olacağı qeyd olunub.
Putin və Şəraa bundan əvvəl 15 oktyabr 2025-ci ildə Moskvada görüşmüşdülər. Həmin səfər Bəşşar Əsəd rejiminin 2024-cü ilin sonunda sona çatmasından sonra Əhməd Şəraanın Suriya Prezidenti kimi Rusiyaya etdiyi ilk rəsmi səfər idi.
Həmçinin qeyd edək ki, bu görüş Rusiya Silahlı Qüvvələrinin Suriyanın şimal-şərqində yerləşən Qamışlı hava limanındakı hərbi mövcudluğunu mərhələli şəkildə azaltmağa başladığı vaxta təsadüf edir.