Bakı, AzerVoice
ABŞ administrasiyası dünya ölkələrinin nüvə silahlarının sayına qoyulan məhdudiyyətlərin tamamilə aradan qaldırılacağını düşünür.
AzerVoice xəbər verir ki, ABŞ-ın müdafiə nazirinin kosmik siyasət üzrə köməkçisi Vipin Naranq belə bir qiymətləndirmə ilə çıxış edib.
"Biz ABŞ-ın nüvə imkanlarını müasirləşdirməklə və gələcəyə hazırlıqla nüvə silahı arsenallarında heç bir məhdudiyyətin olmadığı bir dünyaya hazırlıq görməliyik", - Naranq Strateji və Beynəlxalq Araşdırmalar Mərkəzindəki seminarda bildirib.
"Nüvə hazırlığımızdakı dəyişikliklər rəqiblərimizi strateji silahlara nəzarət danışıqlarında iştirak etməyə təşviq edə bilər", - Naranq əlavə edib.
O, Vaşinqtonun bu sahədə uğurlu rəqabət aparmaq və yeni nüvə dövründə müttəfiqlərin təhlükəsizliyini təmin etmək üçün bütün səyləri göstərəcəyini vurğulayıb.