Bakı,
AzerVoice
Kaliforniyanın Los-Anceles şəhərində güclü, quru küləklərin təsiri
ilə geniş miqyaslı yanğınlar alovlanaraq daha da yayılır.
AzerVoice xəbər verir ki , artıq
səkkiz gündür davam edən yanğınlar təxminən 1000 kvadrat kilometr
ərazini əhatə edib.
Vaşinqtondan Kaliforniyanın müxtəlif bölgələrinə qədər uzanan yanğınlar 6,5 milyon insanın həyatını təhlükə altında qoyub.
Belə ki, 82,400 nəfərə təxliyə əmri verilib, 90,400 nəfərə isə əlavə xəbərdarlıqlar göndərilib.
12,000-dən çox ev və tikili ya məhv edilib, ya da zərər görüb. Yanğın nəticəsində 25 nəfər həyatını itirib.
Hazırda 8500-dən çox yanğınsöndürən ABŞ-ın qərbindən, Kanada və Meksikadan dəstək alaraq yanğınlarla mübarizə aparır.
Palisades bölgəsindəki yanğınlar 19% nəzarət altına alınıb, Şərqdəki İton yanğını isə 45% söndürülüb.
Səlahiyyətlilər, sakinləri ehtiyatlı olmağa, evakuasiya üçün hazır vəziyyətdə qalmağa və rəsmi xəbərdarlıqlara əməl etməyə çağırır. Güclü küləklərin bu gün günortaya qədər davam edəcəyi proqnozlaşdırılır.