Bakı,AzerVoice
Rusiya-Ukrayna müharibəsində 300-ə yaxın Şimali Koreya əsgərinin
həlak olduğu, 2700-dən çoxunun isə yaralandığı bildirilib.
AzerVoice xəbər verir ki, bu məlumatı
Cənubi Koreyanın Milli Kəşfiyyat Xidmətinin (NIS) brifinqindən
sonra Cənubi Koreya deputatı Li Seung-kwan mətbuatla paylaşıb.
Seuldan verilən məlumatlara görə, Şimali Koreya hakimiyyəti müharibə zamanı əsgərlərindən əsir düşməmək üçün özlərini partlatmaqla intihar etməyi tələb edir.
Milli Kəşfiyyat Xidməti qeyd edib ki, əsir götürülən Şimali Koreya əsgərləri Cənubi Koreyaya sığınmaq üçün müraciət etməyib. Lakin Cənubi Koreya hökuməti xahiş edərsə, bu məsələdə Ukrayna ilə əməkdaşlıq etmək mümkün ola bilər.
Seulun fikrincə, Şimali Koreya qüvvələrinin Ukraynada iştirakı ilə bağlı vəziyyət getdikcə daha kritik hala gəlir və bu, Cənubi Koreyanın milli təhlükəsizlik maraqlarına da təsir göstərə bilər.