Bakı,
AzerVoice
Belçikada Fleurus şəhəri gənclərin sağlamlığını qorumaq məqsədilə
ictimai yerlərdə siqaret və elektron siqaret istifadəsini qadağan
edib.
AzerVoice xəbər verir ki, Fransızdilli
RTL media qurumunun məlumatına görə, şəhərdə parklarda, uşaq
meydançalarında, məktəblərdə, körpələr evlərində və qocalar
evlərində tütün məmulatlarının istifadəsi qadağan edilib.
Qərara əsasən, məktəb, körpələr evi və qocalar evlərinin giriş-çıxışlarından 10 metr məsafədə siqaret və elektron siqaret çəkmək də qadağandır. Bu tədbirin əsas məqsədi uşaqları və gəncləri siqaret tüstüsünə məruz qalmaqdan qorumaqdır.
Qadağaya əməl etməyən şəxslər üçün isə hər hansı cəza və ya sanksiya hələ ki, nəzərdə tutulmayıb.