Bakı,AzerVoice
Özbəkistanın Vaşinqtondakı səfirliyi qarşısında böyük alim və mütəfəkkir Əbu Reyhan Biruninin büstünün açılış mərasimi keçirilib.
AzerVoice-nin məlumatına görə, açılış mərasimində iştirak edənlər Biruninin (Əbu Reyhan Biruni kimdir?) həyat və fəaliyyəti, onun əvəzsiz elmi irsi, dünya sivilizasiyasındakı yeri ilə yaxından tanış olublar.
Tədbirdə Özbəkistanın Mədəni İrsin Öyrənilməsi, Qorunması və Populyarlaşdırılması üzrə Ümumdünya Cəmiyyətinin Elmi Şurasının üzvü Frederik Starr dahi mütəfəkkirin dünya sivilizasiyasına verdiyi töhfələrdən bəhs edib.
O bildirib ki, Xristofor Kolumbun Amerikanı kəşf etməsindən 500 il əvvəl okeanın arxasında qitənin olması fərziyyəsini irəli sürən məhz Əbu Reyhan Biruni olub.
