Bakı,AzerVoice

Əfqanıstanın baş naziri Həsən Axund Taliban hərəkatının hakimiyyətə qayıdışının 3-cü ildönümü münasibəti ilə deyib ki, ölkə “şəriət hökmünü saxlamalıdır”.

Axund Əfqanıstandakı keçmiş Amerika bazası olan Baqramda bildirib ki, “Taliban hakimiyyəti şəriətin hökmranlığını qoruyub saxlamaq, insanların həyatını və mülkünü qorumaq, eləcə də millətə hörmət etmək məsuliyyətini daşıyır”.

Qeyd edək ki , Çin və İran diplomatları da daxil olmaqla, yüzlərlə insan Kabildən 40 kilometr kənarda yerləşən bazaya toplaşıb, çıxışlar və hərbi paraddan ibarət mərasimdə Talibanın Əfqanıstanda hakimiyyətə qayıdışının üçüncü ildönümünü qeyd edib.

Taliban döyüşçüləri 2021-ci il avqustun 15-də Vaşinqtonun dəstəklədiyi hökumətin süqutundan və onun liderlərinin sürgünə qaçmasından sonra paytaxt Kabilə nəzarəti ələ keçirdilər.

Taliban hakimiyyəti ABŞ-ın keçmiş Baqram aviabazasında hakimiyyətə qayıtmasının üçüncü ildönümünü qeyd edib.

Yüzlərlə qonaq səhər saatlarında Taliban rəsmiləri və yüksək rütbəli zabitlərin iştirakı ilə paytaxtdan əlli kilometr uzaqlıqda yerləşən hərbi bazada keçirilən hərbi paradda iştirak edib.