Məlumata görə, Cənub-Şərqi Asiyadan yola çıxan narkotik yüklü gəmi əvvəlcə İsgəndəriyyə, daha sonra Beyrut limanlarına daxil olub və son olaraq Lazkiyə limanına çatıb. Əldə olunan kəşfiyyat məlumatı əsasında 16 aprel tarixində keçirilən əməliyyat zamanı konteynerdə gizlədilmiş 236 kiloqram narkotik maddə aşkar edilərək götürülüb. Rəsmi məlumatda müsadirə edilən maddənin bazar dəyərinin təxminən 300 milyon lirə olduğu bildirilib.

Almaniya Hərbi Dəniz Qüvvələrinin mümkün əməliyyat hazırlıqları çərçivəsində Aralıq dənizinə mina təmizləyən gəmi göndərəcəyi açıqlanıb. Nazirin sözlərinə görə, mina təmizləyən gəmi ilə yanaşı, komanda və təchizat gəmisi də bölgəyə göndəriləcək. Lakin gəmilərin konkret nə vaxt yola düşəcəyi açıqlanmayıb.

Suriya Prezidenti Əhməd Əş-Şəraa, “Dörd Dəniz və Doqquz Koridor” təşəbbüsü ilə Suriyanın Orta Asiya və Körfəz regionunu Avropanın mərkəzinə bağlayan təhlükəsiz və alternativ bir marşrut olduğunu vurğulayıb. Kiprin paytaxtı Nikosiyada keçirilən Avropa İttifaqı və Regional Tərəfdaşların Toplantısında çıxış edən Prezident Əş-Şəraa bildirib ki, bu görüş ənənəvi əməkdaşlıq çərçivələrini aşan yeni bir geosiyasi reallığı təsdiqləyir və strateji yetkinlik anını təmsil edir.

İsrailin Baş naziri Benyamin Netanyahu cümə günü Hizbullahı Livanla sülh razılaşmasının əldə olunması istiqamətindəki səyləri "sabotaj etməyə" çalışmaqda günahlandırıb. Livanla atəşkəs müqaviləsinin müddəti uzadıldıqdan sonra verdiyi ilk açıqlamada Netanyahu bildirib: "Biz İsrail və Livan arasında tarixi sülhə nail olmaq üçün bir proses başlatmışıq və Hizbullahın bunu sabotaj etməyə çalışdığı bizə aydındır".

Türkmənlərin də sıx yaşadığı Tadamun bölgəsində 2013-cü ildə törədilən qətliamın şübhəlisi Amcat Yusif, Suriya Daxili Təhlükəsizlik Qüvvələrinin Həmada keçirdiyi əməliyyat nəticəsində yaxalanıb. Tadamun qətliamı müharibənin ən qanlı və qaranlıq hadisələrindən biri kimi tarixə düşüb. Hadisə zamanı ümumilikdə 288 nəfərin gözləri bağlı şəkildə edam edilərək çuxura atıldığı, daha sonra yandırıldığı və bütün bu prosesin görüntülərinin qeydə alındığı bildirilmişdi.

Fələstinlilərin yerli idarəetmə orqanlarını müəyyənləşdirmək üçün sabah sandıq başına gedəcəyi bildirilib. Fələstin Mərkəzi Seçki Komissiyasından verilən yazılı açıqlamaya görə, 25 aprel tarixində Qəzza zolağındakı Deyr əl-Bəlah şəhəri və işğal altındakı İordan çayının qərb sahilində (Qərbi Şəria) keçiriləcək seçkilərdə bələdiyyə məclisləri üçün 321 siyahı üzrə 1200-ü qadın olmaqla, cəmi 3 773 namizəd, kənd məclisləri üçün isə 93 kənd şurasında 1 358 nəfər mübarizə aparacaq.

İsrail ordusu, atəşkəs rejiminə rəğmən Livanın cənubunda işğal etdiyi ərazilərdən kənarda yerləşən Deyr Amis qəsəbəsinə hava zərbələri endirib. İsrail ordusunun Livanda 17 aprel tarixində qüvvəyə minən atəşkəsə baxmayaraq, ölkə ərazisindəki hücumları davam edir. Livanın rəsmi agentliyi olan NNA-nın məlumatına görə, İsrail ordusu Livanın cənubundakı Sur şəhərinə bağlı Deyr Amis qəsəbəsini hava hücumu ilə hədəf alıb.

Küveyt ordusu ölkənin şimal bölgəsində yerləşən sərhəd məntəqələrinin pilotsuz uçuş aparatları ilə hədəfə alındığını açıqlayıb. Rəsmi məlumatda qeyd olunub ki, hadisə nəticəsində iki sərhəd mərkəzi İraq istiqamətindən buraxıldığı ehtimal edilən pilotsuz uçuş aparatlarının hücumuna məruz qalıb. Zərbə nəticəsində obyektlərə maddi ziyan dəydiyi bildirilib.

Suriyada 2013-cü ildə baş vermiş Tadamun qətliamının əsas fiqurlarından biri hesab edilən Əmcəd Yusif təhlükəsizlik əməliyyatı nəticəsində saxlanılıb. Suriya Daxili İşlər Nazirliyinin açıqlamasına əsasən, əməliyyat Hama vilayətinin Əl-Qab ovalığında həyata keçirilib. Bildirilir ki, saxlanılma əməliyyatından əvvəl bir neçə gün davam edən izləmə və operativ nəzarət tədbirləri görülüb.

Türkiyə, Misir, İordaniya, İndoneziya, Pakistan, Qətər, Səudiyyə Ərəbistanı və Birləşmiş Ərəb Əmirliklərinin xarici işlər nazirləri birgə bəyanat yayıblar. Bəyanatda İsrailin Qüdsdə müsəlman və xristian müqəddəs məkanlarının tarixi və hüquqi statusuna qarşı təkrarlanan pozuntuları, xüsusilə İsrail rəsmiləri və məskunlaşanların polis müşayiəti ilə Məscidül-Əqsaya daxil olması və ərazidə İsrail bayrağının qaldırılması qınanıb.

Müharibə zamanı İran Hərbi Dəniz Qüvvələri son onilliklərin ən ağır zərbəsini aldı: 150-yə yaxın hərbi dəniz vasitəsi sıradan çıxdı, yüzlərlə hərbçi həlak oldu. Ölənlər arasında Hörmüz boğazının bağlanması doktrinasının memarı sayılan "İnqilab Keşikçiləri Korpusu"nun (SEPAH) Hərbi Dəniz Qüvvələrinin komandanı Əli Rza Təngsiri və dəniz kəşfiyyatının rəhbəri Behnəm Rezai də var. Bu, sadəcə avadanlıq itkisi deyil, qeyri-ənənəvi dəniz müharibəsində qərar qəbul etmə və beyin mərkəzinə endirilən bir zərbə idi.

Sorğunun nəticələrinə görə, respondentlərin yalnız 28 faizi bu addımı doğru hesab etdiyini bildirib. İsrail ictimaiyyətində Trampın bu qərarına qarşı yaranan narazılıq, Tehranın vaxt qazanması və regional gərginliyin qeyri-müəyyən qalması ilə bağlı narahatlıqlardan qaynaqlanır. Bir çox israilli İranın bu müddət ərzində öz qüvvələrini yenidən qruplaşdırmasından və əks-hücuma hazırlaşmasından ehtiyat edir.