İslam İnqilabı Keşikçiləri Korpusu (İİKK) İran tankerlərinə hücum ediləcəyi təqdirdə ağır cavab veriləcəyini bəyan edib.

İsrailin Baş prokuroru Gali Baharav-Miara Baş nazir Benyamin Netanyahu tərəfindən Roman Qofmanın Mossad rəhbəri vəzifəsinə təyin olunmasına etiraz edib. İsrail dövlət televiziyası KAN-ın məlumatına görə, Baş prokuror məsələ ilə bağlı İsrail Ali Məhkəməsinə rəsmi etiraz ərizəsi təqdim edib. Baharav-Miara sənəddə Qofmanın təyinatında “əsaslı hüquqi və etik qüsurlar” olduğunu vurğulayıb.

Səudiyyə Ərəbistanının Məkkə əyalətində yerləşən Dakka dağı (Cəbəl Dakka) və onun ətrafındakı Şəms Əl-Əssil bölgəsi, Krallığın ən nadir və əsrarəngiz təbiət mənzərələrindən biri hesab olunur. Bu ərazi Qırmızı dəniz sahillərindən Taif dağlarına qədər uzanan zəngin flora və faunası ilə həm yerli, həm də beynəlxalq turistlərin diqqət mərkəzindədir.

Livanın "Hizbullah" qruplaşması İsrail qüvvələrinə qarşı 1980-ci illərdə tətbiq etdiyi hərbi taktikaları yenidən aktivləşdirib. Təşkilatın hərbi rəhbərliyinin açıqlamasına görə, bu addımın əsas məqsədi İsrail hərbçilərinin Livan ərazisində möhkəmlənməsinin qarşısını almaq və döyüşləri birbaşa toqquşma müstəvisinə keçirməkdir.

İran parlamentinin yüksəkvəzifəli nümayəndəsi İbrahim Əzizi ABŞ tərəfindən dəstəklənən Hörmüz boğazı ilə bağlı qətnaməyə dəstək verən ölkələri, xüsusilə Bəhreyni “ağır nəticələr” barədə xəbərdar edib. Tehran bölgədə artan gərginlik fonunda strateji Hörmüz boğazı məsələsinə diqqət çəkib.

Küveyt İranla əlaqəli olduğu bildirilən təşkilatın ifşa edilməsindən sonra Bəhreynə dəstəyini və həmrəyliyini bəyan edib. Küveyt Xarici İşlər Nazirliyi Bəhreyn təhlükəsizlik qüvvələrinin fəaliyyətini yüksək qiymətləndirib.

BMT bildirib ki, İsrail 2025-ci ilin əvvəlindən etibarən İordan çayının qərb sahilində təxminən 40 min fələstinlini məcburi köçkünə çevirib. Təşkilat davam edən dağıntılar və hücumların mülki əhali üçün humanitar vəziyyəti daha da ağırlaşdırdığını vurğulayıb.

İsrail ordusu Livan sərhədi yaxınlığında “Hizbullah”a məxsus pilotsuz uçuş aparatının partlaması nəticəsində üç israilli hərbçinin yaralandığını açıqlayıb. Yaralananlardan birinin vəziyyətinin ağır olduğu bildirilir.

İran bildirib ki, nüvə məsələsi yalnız bölgədə müharibə dayandırıldıqdan və təhlükəsizlik təminatları verildikdən sonra müzakirə oluna bilər. Tehran ilk mərhələdə bütün cəbhələrdə atəşkəsin və gərginliyin azaldılmasının vacibliyini vurğulayıb.

İsrailin Livanın cənubuna endirdiyi hava zərbələri nəticəsində azı ondan çox insan həyatını itirib. Saksakiyeh bölgəsində dağıntılar altında qalan şəxslərin axtarışı davam edir, ölən və yaralananların sayının artacağı ehtimal olunur.

Almaniya kansleri Fridrix Merts İran böhranı fonunda ABŞ və Avropa arasında fikir ayrılıqları olsa da, NATO əməkdaşlığının qorunmasının vacib olduğunu bildirib. O vurğulayıb ki, əsas məqsəd İranın nüvə silahı əldə etməsinin qarşısını almaq və regionda münaqişəni dayandırmaqdır.

Qəzza zolağında İsrail ordusunun həyata keçirdiyi hücumlar nəticəsində son 48 saat ərzində 5 fələstinli həlak olub, 15 nəfər isə yaralanıb. Rəsmi məlumata görə, 2025-ci ilin oktyabr ayında qüvvəyə minmiş atəşkəs razılaşmasından bəri ümumi ölənlərin sayı 850 nəfərə, yaralıların sayı isə 2433 nəfərə çatıb. Bundan əlavə, dağıntılar altından və küçələrdən 770 meyitin çıxarıldığı bildirilib.