BAKI,VOA,Yusif Şərifzadə
İsrail ordusu İordan çayının qərb sahilində yerləşən Sincil şəhərinə aparan bütün giriş-çıxış yollarını bağlayıb.
VOA xəbər verir ki, Fələstin rəsmilərinin məlumatına görə, Ramallahın şimalında yerləşən şəhərə gedən yollar dəmir qapılar, torpaq bəndləri və hərbi buldozerlərlə bağlanıb.
Fələstin hökumətinin əlaqələndirmə mərkəzi bildirib ki, tətbiq edilən blokada nəticəsində Sincil şəhəri tamamilə təcrid olunub.
Bu arada Fələstinin Qüds xəbər kanalı İordan çayının qərb sahilində məskunlaşma fəaliyyətinin davam etdiyini bildirib.
Məlumata görə, Ramallahın şimalındakı Ümm Səfa kəndində yerləşən Rəs təpəsində yeni səyyar yaşayış evlərinin quraşdırılmasına hazırlıq görülür.
Bildirilib ki, bölgədə İsrail ordusunun reydləri və yəhudi məskunlaşma məntəqələrinin sakinlərinin hücumları son günlər daha da intensivləşib.