BAKI,VOA,Yusif Şərifzadə
Livan Ordusunun komandanı general-mayor Rudolf Heykal Böyük Britaniyaya səfər edərək ölkənin yüksək rütbəli müdafiə və təhlükəsizlik rəsmiləri ilə görüşlər keçirib.
VOA xəbər verir ki, bu barədə Livan ordusu məlumat yayıb.
Bildirilib ki, səfər çərçivəsində o, Böyük Britaniya Silahlı Qüvvələrinin Baş Qərargah rəisi Riç Nayton ilə danışıqlar aparıb.
Tərəflər Livan ordusuna dəstək və iki ölkə arasında əməkdaşlığın gücləndirilməsi məsələlərini müzakirə ediblər.
General-mayor Heykal həmçinin Böyük Britaniyanın milli təhlükəsizlik müşaviri Conatan Pauell, müdafiə naziri vəzifəsini icra edən Vernon Coaker və Yaxın Şərq və Şimali Afrika üzrə nazir müavini Hamish Falconer ilə də görüşüb.
Görüşlərdə Livan ordusunun sülhməramlı missiyalar, sabitliyin qorunması və sərhəd təhlükəsizliyi sahəsində üzləşdiyi çətinliklər müzakirə olunub. Eyni zamanda Livanda davamlı atəşkəsin əldə olunması yolları barədə fikir mübadiləsi aparılıb.