BAKI,VOA,Yusif Şərifzadə
İsrailin Baş naziri Benyamin Netanyahu və müdafiə naziri İsrail Kats ordunun Livanın cənubunda atəşi dayandırması barədə göstəriş veriblər.
VOA xəbər verir ki, bu barədə İsrailin 12-ci televiziya kanalı məlumat yayıb. Məlumata görə, İsrail qüvvələri Livanın cənubunda atəşi dayandıracaq, lakin nəzarətdə saxladıqları mövqelərdən geri çəkilməyəcəklər.
Bildirilib ki, Benyamin Netanyahu və İsrail Katsın qəbul etdiyi qərar ABŞ ilə koordinasiya şəraitində həyata keçirilib.
Məlumata əsasən, qərar Livanın cənubunda gərginliyin azaldılması və atəşkəs rejiminin qorunması məqsədi daşıyır.
Bu arada, Livanın Səhiyyə Nazirliyi İsrailin martın 2-dən etibarən həyata keçirdiyi hücumların nəticələri ilə bağlı yeni statistika açıqlayıb.
Nazirliyin məlumatına görə, həmin tarixdən bu günədək azı 4 min 57 nəfər həlak olub, 12 min 121 nəfər yaralanıb. Ölən və yaralananların böyük hissəsinin Livanın cənub bölgələrində qeydə alındığı bildirilir.