BAKI,VOA Orxan Qədirzadə
İordaniya Kralı II Abdullah Birləşmiş Ərəb Əmirliklərinin Prezidenti Məhəmməd bin Zayed Əl Nəhyan ilə telefon danışığında İranın yenidən həyata keçirdiyi hücumları qəti şəkildə pisləyib. Kral Abdullah II bildirib ki, İordaniya BƏƏ ilə tam həmrəylik nümayiş etdirir və ölkənin təhlükəsizliyini və suverenliyini qorumaq üçün atdığı bütün addımları dəstəkləyir.
VOA xəbər verir ki, bu barədə İordaniya Kral Sarayının açıqlamasında qeyd olunub.
Telefon danışığı zamanı tərəflər regionda artan gərginlik fonunda vəziyyəti müzakirə ediblər. İordaniya lideri bölgədə eskalasiyanın qarşısının alınmasının vacibliyini vurğulayaraq, ərəb ölkələrinin suverenliyinə və təhlükəsizliyinə hörmət edilməsinin zəruri olduğunu bildirib.
Məlumata görə, bu açıqlama İranın son hücumlarının regionda təhlükəsizlik risklərini artırdığı bir vaxtda verilib və Yaxın Şərqdə diplomatik aktivliyin gücləndiyini göstərir.