Bakı. AzerVoice:
Brüssel Aİ ölkələrinə Qəzzadan təxliyə edilən xəstələri qəbul etmələri ilə bağlı çağırış edib.
AzerVoice xəbər verir ki, bu çağırış Ümumdünya Səhiyyə Təşkilatının 9 min fələstinlinin müharibədən dağılmış anklavdan təcili tibbi evakuasiyaya ehtiyacı olduğunu bildirməsindən sonra edilib.
Brüssel Aİ-nin səhiyyə və mülki müdafiə nazirlərini Qəzzadan xəstələri qəbul etməyə hazır olduqlarını bildirməyə çağırıb.
Qeyd edək ki, Qəzzanın Səhiyyə Nazirliyi bildirir ki, Qəzzada 35 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübut təqdim etmədən 13 min HƏMAS döyüşçüsü öldürdüyünü bildirib.
